爸爸上個財政年度累積捐血五十次，所以今年紅十字會捐血頒獎禮就有佢份啦。
紅十字會舉辦大型活動真有一手，由登記、進場、入座以及其後所有流程，都順暢非常。
設宴九龍展貿中心，筵開百席都冇問題。
![]()
原來捐血記錄保持者累積咗成525次，厲害、厲害。
我地被分配到第56號檯。
請柬上話典禮在早上十一點舉行，我地九點幾食咗早餐。冇諗過會係正式既宴席，我見到張菜譜就飽啦。心諗: 唔係啦掛?又食!
好彩一輪表演項目、分享、演說及頒獎等，都花咗好多時間，到正式開席時，已經係一點幾啦。相信未食早餐就過黎既朋友，都應該肚餓啦。檯面有花生同朱古力，大家都可以食少少野頂住先。
呢個就係爸爸既獎章，同埋紀念品，散字包。
素餃、燒賣、糯米卷。我只吃了素餃。
叉燒酥、春卷仔
海皇羮，呢個我有食。
呢碟既蝦出奇地大，大家都可以食到幾隻。
炸花枝丸又係爭D食唔晒，有碟瑤柱西蘭花我冇影到。
雞當然又食剩啦，上到伊麵果陣，已經得返一半人。
我最欣賞紅豆沙，夠熱又唔太甜。但上菜果位侍應，見走咗幾個，畢咗八碗，就將剩低既全部轍走。奇!
飯後，大家留係現場，用大會提供既各式道具拍照留念，我係爸爸既御用攝影師，影咗幾幅佢好滿意既靚仔相，終於都搞到成三點幾先走呀。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
