之前果幾日，爸爸要開工，冇人偷睇雀B既生長情況．
加上有網友話強光對小鳥冇益，所以都係盡量唔好打擾佢地啦．
第十一日，爸爸下午回家吃飯，趁住陽光普照，就探下佢地啦．
唔見幾日，出咗好多毛啦，仲已經眼仔碌碌添！嗬嗬，爸爸的如意算盤打不響了，做不成冒牌雀媽啦！
我地放佢係紙巾上影相，爪子長了許多呢！
爸爸後來捧在掌心，佢都冇乜驚．
叫契爺啦！
做咩呀？唔啋呀？
睇下你做咩唔開心先？
其實佢基本上ｄ毛未出齊架，睇下尾巴ｄ毛管都知啦．
肚腩仔都未生毛．．．．咦．．．．．
我地發現到佢唔開心既秘密啦！你地見唔見呀？
乜佢呀媽咁架，餵仔餵到天一半，地一半．．．條蟲都冇放正入佢口．．．咁梗係唔舒服啦．等爸爸幫你搞掂佢啦！
真係俾佢嚇鬼死，仲以為有寄生蟲吸佢血添呀！寄生蟲又點會咁肥咁大條吖？真係估唔到雀媽可以搵到咁新鮮既食物返黎，唔怪得爸爸話唔駛理佢地住啦．
拎走條蟲，舒服晒！
至於老三呢．．．佢已經早登極樂，唔夠人爭，冇野食餓死咗咯！早知係咁，我地就插手啦．．．．
而老四呢．．．經過人工孵育幾日後，仍然冇起色．今日宣報放棄．
爸爸打開隻蛋黎睇．．．原來係未授精既，唔怪得啦！
爸爸：要唔要黎煎荷包蛋呀？
作死呀你！掉咗佢啦！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
