去完幸福蝎度玩，冇煮飯，買咗外賣，所以夜晚仲有大把時間玩．
因為之前耳仔軟，應承咗人做粘土蛋糕仔，拖咗成個星期都未行動，咁就開下工啦！
先黎一個士多啤梨咖啡蛋糕，放得太多士多啤梨添！下次都係放六粒好啦，太擠迫啦．加返ｄ金箔同生日牌先．
加埋光油，寧舍醒神，成個蛋糕High晒！睇怕呢個蛋糕都會有人買掛？想要既通知聲，只此一個，老規矩，認購價不少於港幣一百元，支票抬頭”兒童癌病基金”．
跟住做朱古力忌廉蛋糕，咁就梗係要先嗞Cream先啦．
圍完邊，都唔知加ｄ咩好？
順手做只朱古力兔兔先，仲有大把位，再放長柄士多啤梨，夠晒大粒啦掛!
都仲未好完整，落重本，放成堆金箔先！呢次仲唔夠晒名貴？
上埋光油先，其實唔應該咁心急既，因為趕住交貨麻．呢個梗係第一時間，未乾已經俾人買咗啦！據聞收禮者係蛋糕大師黎，可能都教過好多喜歡整餅既同好，希望佢會喜歡呢個蛋糕仔啦，又搵到主好人家收留我既東東啦！
化咗粧, 閃閃生輝, 都算少少靚仔啦!
多謝支持，兩個愛心蛋糕已經名糕有主啦！向隅的朋友就要等下次啦！
謹代表受惠機構向大家說聲：謝謝！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
