做乜借呢本書？
咩唧，大人唔睇得既咩？
我一睇個標題，係咁意揭下，都知呢個故事正啦．
話說已經子耐冇孵過蛋既蘆花雞奶奶有一日係公園度發現一隻巨蛋，一心諗住守係蛋旁，等果隻唔少心留低只蛋既媽媽返黎，免得只蛋俾大蛇吞咗．
後尾佢又驚只蛋冷親，就無啦啦孵埋隻恐龍寶寶出世啦，仲幫小恐龍改名叫小乖添！
小乖大得快，連雞奶奶間屋都撐爛埋，但雞奶奶不單冇嬲，仲話屋頂穿咗，仲方便觀星添．
某日，雞奶奶收到告票，話公園既閉路電視攝到小乖破壞公物，食晒ｄ花花草草，仲有木椅同各種大樹．為咗交罰款，雞奶奶唯有去借大耳窿啦，如果唔係小乖就要坐監架啦．
咁啱國王寵壞咗既公主又話要搵隻恐龍返黎做弄臣，陪佢玩，於是就幫雞奶奶找咗大耳窿條數，買咗小乖返去啦．
你地估呢個壞壞公主之後對小乖做咗ｄ乜呢？想知就自己借本黎睇下啦！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
