何洪記 - 高水準的乾炒牛河

是日二人掃了七家店, 數一數, 原來還沒有寫下中間這一場.

三點幾來到, 也要排隊, 等十分鐘先有得進內. 店內環境狹窄, 加上要同人搭檯, 大家要有心理準備. 當然, 來得這裡, 也是快食快走, 擠逼一點也沒大問題, 食物才是最重要. 來吃下午茶, 當然不吃得太多, 就要兩樣招牌的食物.
正宗雲吞麵 $29: 8分, 人客多, 等食也要一大輪. 先來的是雲吞麵, 叫做正宗, 即是說人家的不正宗? 規格對辦, 雲吞在底下, 麵其實也不算多, 不過比起細蓉來講已算大份量. 麵條幾彈牙, 無鹼水味, 湯底也清甜. 不是散尾雲吞, 但尺寸都幾大.

乾炒牛河 $60: 9分, 高水準的示範, 炒得無乜油, 碟底也是幾乾的. 牛河不會太濕, 夠鑊氣, 牛肉不會實實的. 即使幾飽, 也能清掉.

兩樣食物跟姊妹店正斗的水準比, 會是乾炒牛河較佳, 但雲吞麵稍次. 不過食落的感覺就相當似, 只不過那邊會坐得舒服得多. 服務當然是無乜, 但又不算好差的.

最後, 講到這一粒星, 坦白講, 在港澳版中去作比較, 也不失禮的.
評分
味道: 8/10
環境: 6/10
服務: 6/10
抵食: 6/10
推介度: 7/10
餐廳資料:
何洪記