美中‧鴨子

拍拖紀念日，但由於呢排太忙，完全冇心情亦冇時間嚟個特別慶祝，求其揀間美心中菜集團嘅酒樓，善用AE白金卡嘅優惠食餐飯咁就算。

「美中‧鴨子」冇得book位，幸好我六點半就到，去到仲有大把位，waiter帶我到其中一張二人枱坐低後，突然有另一類似manager嘅男子走嚟話我知室外仲有位，問我有冇興趣坐出去欣賞海景，我問室外俾唔俾食煙，佢話俾，我即時婉拒坐出去，最憎吸二手煙！

等埋拾爺到嚟，我哋就點菜，因為呢到開業冇耐，我哋已經嚟過一次，所以今次揀咗KC之前冇介紹嘅菜式嚟試﹕

胡麻醬茄子燻鴨﹕呢道菜一上枱，我已經感覺受騙，用上「燻鴨」呢個名，我期望係鴨肉，而唔係鴨胸……望住呢道自己都整得到嘅菜式，卻被索價$68，真係好肉赤！呢道菜味道本來尚可，但廚子太重手，燻鴨胸好鹹！但要讚嘅係個鴨胸煎得周邊脆口微暖，配上冷凍嘅茄子，一暖一凍，口感唔錯！

砂鍋雞骨醬 ($138)﹕雞件多而且大件，相比好多酒樓以配菜充撐菜式，呢到算係交上良心貨予食客，只係……呢道菜嘅調味真係好重！鹹到撈住飯都食唔落……

乾鍋茶樹菇豆干($88)﹕我鍾意食菇，但唔鍾意食咁濃味嘅菇……呢道菜真係太重口味了……又辣又鹹……中伏！

北京填鴨 (半份，$150)﹕餐廳好早送上鴨湯，卻隔咗好耐先有片皮鴨……片皮鴨一上枱，我同拾爺就掛住食，唔記得咗影相……片皮鴨味道一般，都唔會再有下一次架喇。

黑芝麻布甸 ($28)﹕其實食哂上面嘅嘢之後，已經好飽！但聽到隔離枱激讚呢個甜品好食，於是為食嘅我忍唔住點咗嚟試，味道嘛……好一般咋喎！食唔出黑芝麻嘅香，亦唔覺個布甸有幾滑……

埋單$305.2。

評分時間﹕
食物：一般
服務：一般
環境：一般
衛生：一般
價錢：overpriced
總結﹕可以一試

餐廳資料：
美中‧鴨子
尖沙咀廣東道17號海港城港威商場3樓3319號舖
23476898

============================================

感謝 honeyhinbaby 提供以上資料

honeyhinbaby的網誌: http://honeyhinbaby.wordpress.com/

============================================