這是阿仔房入面既粉掌，我幾年前叫人幫我用$28買既。一年四季長期開住三兩朵花，總之就謝一朵、開返一朵啦。
唔知係咪因為我放咗D南瓜子殼係泥面，就激發起佢既潛能，同我開枝散葉，長咗好多小分枝出來。
我之前冇理佢，真係越長越大，後來仲變成幾棵個體戶添。
今次我就剪一棵細細既芽仔出黎，見唔見隔啦底有一小粒凸出黎既野?
係根黎架，只要浸水，佢好快就會長長架啦。費事開咁多個樽啦，去辣椒姐姐度借宿幾宵先啦。
過多幾日，條根長返D啦。
中間既芽仔都開始發啦
你咪睇塊主葉咁醜樣，佢地仍然會健康成長。
![]()
睇下，第二塊葉就標出黎
條根再長D，就由得佢浸住水，養住先。到佢長多D根，就可以上盆啦。
呢棵係我早前分枝種既，都好健康。
![]()
睇下最底果度
已經再長多幾株出黎
咪睇少呢D阿B呀，佢地第日長大咗，就會自己長一朵花出黎架啦。
咁即係隨時一盆有幾個頭啦。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
