拾爺成日「鵝」我，叫我去試吓一風堂嘅拉麵，話難得我仲放緊假，可以去試吓係咪真係咁好味。於是，我點幾出到去，都見到有人等緊位，但因為我得一支公，所以唔駛等，可以直接入去。
坐低，叫咗碗白丸元味($68)。侍應問我啲麵要軟啲定硬啲，我揀咗後者。都幾鍾意呢到會問聲顧客想食點樣硬度嘅拉麵，因為有啲人偏好軟，有啲就鍾意硬，問一聲，為客戶度身煮一碗，有誠意之餘，亦不怕因為食客口味有異而流失部份。
拉麵上枱，對我嚟講份量都幾細，我知道一定會食唔飽……夾起一小撮，屬幼身麵種，唔係我鍾意嘅類型……但硬度尚算及格。喝一口湯，果然正宗日本豬骨湯，好鹹！湯麵雖然收得唔平，但就冇咩餸……得兩塊叉燒同啲海帶……就連紫菜都要加錢先至有呀！不過……啲叉燒又幾好食喎！
食後感﹕唔值得等咁耐去食，唔值呢個價，所以唔會再嚟！
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
