Balalaika

唔太記得呢餐個團購價exactly係幾多，只係記得三百以上，四百以內。相對於食物嘅quantity同quanlity，呢個價都收得太高喇！成餐得杯湯好飲……其他都係一般……相中放火嘅waiter服務唔得！擺低碟嘢就走，都唔話俾人知邊隻醬用嚟點邊碟餸……

食完之後，同拾爺入咗冰窖到影相。本來唔打算著佢哋provide嘅 毛毛衫架(怕污糟，乜人都著過……)，但推第一度門時，已經感到陣陣涼風……所以都係出番去著衫。拾爺就懶壯咁繼續短tee大戰冰窖，結果……張張相都影到佢凍到隻蝦米咁，哈哈。最後，呢個強壯嘅小朋友都係出去著外套。嘢食就麻麻喇，比多咗嘅就當係呢個冰窖嘅入場費啦！都幾好玩嘅！

影完相，就出去行街街。今日老蘭搞咗個啤酒節嘉年華，有啲攤檔賣吓啤酒、小食同埋手作﹖！仲有食 burger比賽！哈哈，個MC邀請在場男仕參加，雖然都有香港人喺朋友慫恿下參與，但嗰個係啲攤檔人仕嚟嘅，反面真係路人嘅，就以外國客最為熱烈。雖然 烈日當空，但無損我哋呢班觀眾心情，尤其比賽開始前，啲搞手先喺各參賽者嘅burger上落足一支辣椒醬！嘩，真係大整古呀！男子組玩完，就到女子組。今 次好快就有四個女孩上去玩，香港不乏代表，其中有個亞姑好好笑，完全唔顧食相，食到成口都係醬，可惜都係輸……

睇到兩個比賽都算係今日嘅bonus！