終於等到tourist office開門，我即時衝入去問，點知原來報團係由gift shop嗰邊負責，而佢哋九點十五分先開門……又要多等十五分鐘。
等 到九點十五分，即時報名。我知六人包車價會俾六人join團價平，於是問前團友(大家喺tourist office門前相遇。)佢哋一唔一齊包車，佢哋話ok，我就同staff講。因為我哋報得太急，staff幫我哋問咗好多間公司，對方都話冇車出喇。我 最worst嘅case係預咗今日早啲過Marseille玩，聽朝再番嚟。不過，事情仍有轉 機，因為有兩個司機載緊客出去，電話接收唔太好，所以轉頭先覆到gift shop呢邊，staff叫我哋等。我同拾爺商量，如果包唔到車，就改為六個分開報團，我哋兩個，佢哋一定係四個架喇。就喺我打算叫gift shop啲人幫手再問問有冇團有兩個同四個嘅位剩時，gift shop收到司機嘅電話，一個offer十點至五點半嘅時間，收€75一個人。另一個就offer兩點至七點半，total收€300。大家confirm第二個方案後，我就同gift shop啲人講要第二個方案。方案包遠望Gordes，去Abbey同Sault，仲會帶我哋去普羅旺斯嘅village，排球皇妃話想去 lavender museum，但呢個地方同Gordes相距好遠，二者只能選一，gift shop個staff叫我哋同司機傾。老實講，我想去Gordes多啲。
搞掂個tour後，我哋一齊行去火車站。我同拾爺要買今晚嘅火車飛去Marseille，揀咗八點二十分嘅車，而佢哋因為之前一早買咗兩點幾嘅車站，要去改時間。聽佢哋講，張飛可以俾佢哋搭之後嘅班次用，唔駛俾錢去改。
離開火車站，大家分道揚鑣，我倆先番酒店，去個洗手間，再出去玩，佢哋就悠閒慢逛。點解會話佢哋悠閒慢逛呢，因為佢哋真係行得好慢……我同拾爺離開酒店，行入市中心時，仲見到佢哋嘅身影，然後，由此大家喺對面路，我同拾爺遠遠拋離咗佢哋。
離開酒店，我同拾爺目標明確，先去Palais des Papes影吓相，再去Le Pont Saint-Bénezet。雖然我對Palais des Papes都好感興趣，網上啲人話值得入去，但我更想去Le Pont Saint-Bénezet。所以，我哋只係喺Palais des Papes出面影相，冇入場，打算去完Le Pont Saint-Bénezet之後，睇吓仲有冇時間，先決定入唔入Palais des Papes。
到達Palais des Papes，先經過theatre。
Palais des Papes
喺Palais des Papes前影咗陣相，就搵路去Le Pont Saint-Bénezet喇。途中，經過四星酒店，我想去洗手間……於是膽粗粗叫拾爺陪我入去搵洗手間，因為我哋係跟人喺嗰間酒店嘅側門入，所以入到去 四圍裝都冇問題。入去後，行前兩步，拾爺見到「Private」呢個字就話應該係洗手間，叫我入去，我一開門，見到係人哋嘅office，嚇到即刻閂番到 門，兼話鬼拾爺大整古！呢到嘅洗手間唔係叫「WC」就係叫「Toilettes」，隔離度門先係囉！去完洗手間後，我喺到諗，其實我哋根本唔駛俾錢去洗手 間(雖然目前為止我未試過，嘩，去親啲景點都收成€0.5一次，一個人就五蚊，我同拾爺兩個就十蚊，去個洗手間嘅成本好高啫！)，只要入酒店咪得囉！點解前年去荷蘭時冇諗到嘅呢﹖！好！決定咗，之後去親每個景點，都只會去酒店洗手間！當然，要揀啲大規模小小嘅，唔好俾人認出我唔係嗰到嘅住客嘛。
去完洗手間，終於望到Le Pont Saint-Bénezet喇。
我倆打算上橋一走先知，原來要俾錢架！之前上網都冇見有人提過……一場嚟到，當然上去啦！盛惠每人€4.5。入場後，職員叫我哋每人拎一個audioguide，唔駛錢，當然要。
喺Le Pont Saint-Bénezet到，聽吓嘢，影吓相，消磨咗個幾鐘……
由頭先遠望嘅橋望番Le Pont Saint-Béneze。
由對岸望Avignon city centre。
其實我同拾爺之所以有興趣過岸，係因為拾爺見到有太陽花，但點知……
太陽花已經榭哂……
番過對岸，入番city centre，匆忙買個包做lunch，就行去Bistro Hotel到集合。
一 上車，司機就講唔停，話先帶我哋去Gordes，跟住去Abbey，然後去一塊好靚嘅lavender田，只帶我哋去，包我哋滿意云云。經過田園時，佢又 講我哋知啲樹會種咩蔬果，然後逐隻色數俾我哋聽。佢啲英文都算唔錯，識咁多字(以法國人嘅水平)，係口音好難聽……我以為只有我一個聽唔明，原來佢哋都唔 係句句聽得明。仲有，後尾先知，司機唔係法國人，他來自巴西。
第一站﹕Gordes
呢個山城真係好靚！最衰冇時間入去行吓，只能遠望……我對呢啲地方真係好有興趣！聽司機講，呢到啲屋好貴架！細細間都要七位數字嘅歐羅，有啲去到八位數字添呀，嚇死人！佢話呢到都有明星住，我哋叫佢name一啲嚟聽吓，佢講咗Brad Pitt。
司 機俾時間我哋影相時，我同拾爺即刻set腳架，拾爺叫我行去度位時，見有人唔敢影相，就好心用英文叫佢哋照去影啦，點知對方都唔知真係英文差定扮嘢，當拾 爺主動offer幫佢揸機，搞到拾爺幫佢哋影相先……其實我哋自己都時間唔多，我真係唔想幫人揸機囉！因為司機話回程有可能塞車，所以每到一個地方，佢都 會count住時間，唔可以stay太耐架嘛！我氣拾爺仲幫其他人，叫佢快快set好腳架，點知佢一急，一嘢唔知啪咗咩制，搞到個腳架壞咗……好彩即刻 fix番，都影到相。
第二站﹕Abbey
嚟到呢到，打算用腳架影相，點知……今次甩埋呢一樣嘢，我哋唔敢拎部新機嚟搏，腳架正式報銷……唉，之後嘅行程，唔會有上乘嘅合照架喇……so sad……
Abbey隔離有間souvenir shop，我同拾爺對呢類型舖頭一向冇好感，賣嘅都係一啲冇character嘅嘢，寧願影多兩張相。不過，我有幫襯souvenir shop……隔離個洗手間，免費架！
第三站﹕Sault
第五站﹕普羅旺斯村莊
司機又帶我哋買嘢……
司機話細窗係屬睡房所有，佢有解釋過點解呢到啲人要為睡房整細窗，但講完我都唔明……更加唔記得……
好舊嘅窗！
之前喺青海睇過萬山遍野嘅油菜花，嚟到呢到就到lavender喇。真係好靚！自問影出嚟唔及真實見到咁靚。
用嚟叩門架！
唔知有冇記錯，司機好似講過個key hole越大，就代表呢家人越有錢。
呢兩隻嘢係黐咗喺某屋嘅牆上，係呢到嘅吉祥物。
普羅旺斯village係最後一站，離開呢到，我哋要搭個幾鐘車番Avignon個市中心。大家都攰到瞓哂……
我同拾爺之後去咗超市買嘢，就番酒店拎行李兼食埋嘢，當然，免費洗手間都要去一去啦。
是晚晚餐。
早咗到火車站，我哋用ticket machine check吓聽日去Cassis嘅火車時間，check完之後，就上火車去。
上到火車，我同拾爺例牌揀四人座位，因為唔知架車向邊個方向行，揀四人座可以開車後俾我有flexibility去調位(我坐唔到倒頭車……)。
搭車期間發現有個男人有位唔坐，企咗喺我哋堆行李隔離，我同拾爺即時提高警覺。之後，發現呢個男人喺車廂各卡走嚟走去，好似搵緊目標咁。
村長仔走嚟叫我哋搬去佢嗰卡，話好多人都去咗佢嗰卡，因為大家都覺得嗰個男人有問題。其實，我同拾爺一早商量好，如果我哋卡只剩下我 哋時就轉位，因為當時仲有一個黑人喺到，所以我哋唔郁。不過，村長仔嚟到話好多人都集中哂坐佢哋嗰卡，我哋就搬喇。去到佢哋到坐低，聽佢哋講有職員查飛 時，提醒其他乘客要小心呢。
成程火車，嗰個男人就係咁走嚟走去。拾爺話如果佢真係賊，佢都真係太笨，完全引起他人注意。睇佢個樣唔算肥，但大熱天時佢卻著長袖冷衫，而且個肚腩頗大，彷彿成個造型就係方便佢收藏贓物。
火 車到站後，我哋就跟住佢哋番酒店，因為大家住同一間。其實，間酒店係佢哋book時，我哋提議佢哋，但佢哋竟然問我哋住邊……由火車站去酒店有兩條路，佢 哋話太夜唔好行平路，因為兜得遠之餘，嗰到又人跡罕至，建議行樓梯……捧住行李行樓梯都咪話唔辛苦。村長仔有offer幫我拎，但我拒絕咗，我話佢呢一刻 幫我，下一刻我都係要靠自己。
今晚間酒店叫Balladins Marseille Saint Charles，三星，book佢時都唔知要行條長樓梯先到……早知要Ibis好過……
房間好細，而且個設計好白痴！書枱位根本就坐唔到人，傢俬真係得個擺字……房間真身俾之前睇相相差好遠……
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
