(一早就有市集！)
(Cafe同酒店一樣，走中國風路線。)
(拾爺嘅其中兩轉！)
(嘩！有yoghurt食呀！我食咗2杯，呢杯係mango，另一杯係peach！)
我哋先辦check out手續，然後將行李寄存酒店，再問問staff點去傳統馬來屋一帶，staff話行去太遠，叫我哋搭運河船。搭運河船，一程每人大約RM20，咁搞法一來一回就好貴……我同拾爺決定到時先算，先行去運河一帶。
跟 住拾爺行，越行越唔對勁，之前都會行出左面，但拾爺今次就話直行就會見到條河，但係我哋已經行咗一段路，仍然唔見條河……我提出疑問，拾爺就話冇錯……再 行，已經行咗好耐，我肯定條河唔會咁遠，一定係行錯！拾爺為免我發脾四，急急問路，咁啱有家人正要番屋企，見到拾爺走過嚟，即刻停低幫我哋。拾爺同佢哋講 咗一陣後，就叫我行過去，原來呢家好心人，決定車我哋去。有位太太同我哋講佢下個月會去香港，仲問我哋天氣如何，熱定凍，佢話佢細佬會車我哋去，叫我哋唔 駛擔心，佢哋唔係壞人。佢老公仲話我哋係出路遇貴人呢！
得到當地人(其實佢哋識講廣東話，似係移民當地嘅華人！)之助，我哋好快就到咗傳統馬來屋一帶，慳番一程船錢，yeah！嚟到呢到，我哋又盡情影相！
呢到分咗四條大街，因為好心人車咗我哋去其中一條，我同拾爺就由距離酒店最遠嘅第四街行起，我哋打算行完之後，再沿住運河行番酒店，睇吓係咪真係咁遠。呢到啲屋好colorful架！屋前都會有樓梯，屋頂全部都係紅色！
(呢到嘅遊船班次好密，我哋沿住條運河行時，久唔久就見有船駛過。有時架船會坐到好滿，有時又只得小貓三、四隻。)
行 到咁上下，又入番馬來屋地帶，俾我哋搵到全村唯一對外開放嘅馬來屋。旅遊書話入場費係自己決定，最怕呢啲嘢架喇，我寧願佢定，再自行決定值唔值，你叫我 定，我想唔俾囉，哈哈！我同拾爺冇入到去呀，要除鞋咁麻煩，學拾爺話齋，入到去可能都係見到佢掛哂啲偉人、先人相喺到，再加上啲老土傢俬咁，睇唔睇都冇所 謂囉。不過，我哋嚟時，見到有一家外國人入咗去。
(佈置誇張嘅cafe)
離開傳統馬來屋一帶，我哋全力沿住運河行番去喇，拾爺計過時，由馬來屋行番番去廣場都係半個鐘到，唓，有幾遠呀﹖！好彩冇聽酒店staff老點去搭船啫。
(拾爺好欣賞呢到嘅塗鴉藝術。)
(行行吓，見到隻大蜥蝪！真係好大！)
去完馬來屋，我哋又係時候醫醫肚，然後就要同馬六甲say goodbye喇！我發覺馬六甲呢到係朝早會落雨，但到晏晝就出哂太陽架喎！
我哋揀咗噚日都大排長龍嘅「和記雞飯團」！其實拾爺好怕再食雞飯，但我鍾意嘛！哈哈！唉呀，我覺得我哋唔會再嚟馬六甲架喇，人生唔會再食雞飯粒，就食埋呢次啦！
(今日嘅中華茶室仍現長龍！)
喺和記都排咗幾個字先入到去，但冇噚日中華茶室咁耐。排到差唔多到我哋時，先見到舖頭貼咗張紙寫住假日唔提供雞飯粒，只有散飯……失望……好彩，到我哋時，亞姐話二人餐，一個係飯粒，一個係散飯，都叫有得試吓。
(好彩「配上」係部份嘅意思，仍然有雞飯粒食！)
我真係覺得馬六甲係唔興搭枱架！我哋兩個被安排坐一張四人枱，出面明明有條人龍，但餐廳都唔安排人嚟搭枱。所以，噚日喺中華茶室嗰兩個搭枱嘅香港人，應該係自己混入嚟嘅，哼！
坐低後，有個小妹妹嚟執枱，年紀真係好細，但做事好勤快！屋企開舖頭嘅好處係衣食無憂，唔好處係假日或過時過節時冇得去玩，要落舖幫手！
我哋叫咗個二人餐同埋一個椰青，之後就係等等等，等勁耐先有嘢食上……期間，竟然有人入嚟叫我哋捐錢，又有人入嚟賣小食，呢到興放人入嚟兜客乎﹖
(喺餐廳賣零食﹖個個都食緊當前美食，有幾多人會幫襯﹖呢個大嬸叫賣一輪後，就自己行番出餐廳，自出自入，好似有人御准咁。)
餐廳先上椰青，其實我從來唔飲呢啲嘢架，但拾爺叫我試一啖，一飲，即愛上！好清甜！
(泰國椰青，唔知點解要入口泰國椰青，馬來西亞自己都有出產架！Anyway，呢個椰青真係好好飲，令我從此愛上飲椰青！)
(雞飯粒，冇中華茶室咁濕，而且油香味重啲，但都係唔夠……)
(大合照！個散飯我嫌佢太乾，唔夠油香……咁多樣最正係個椰青！如果唔係一陣要搭長途車，我哋一定會叫多一個嚟飲！)
埋單RM17.5。俾完錢，就番酒店拎行李。拜拜喇馬六甲，我唔會再嚟架喇！
由 酒店推行李去番廣場嗰邊搵巴士站，問一問Tourist Police，佢哋話17號巴士係循環線，叫我哋去番噚日落車位等上車。喺巴士站等咗一陣，有車嚟喇，成村人蜂擁而上，拾爺問到司機會到中央站，於是就落 車同我一齊拎喼上去，點知我未開口同司機confirm多次係咪去中央站，佢一見拾爺個喼，就叫我哋搭下一班車，我連點解都唔知……拾爺怪我唔問佢點解， 就乖乖落車……
再等，等咗好耐，先再嚟部17號，點知今次個司機唔俾所有人上車，話10分鐘後再番嚟，吓﹖呢到單線行車，10分鐘後佢點番嚟﹖！我見有個女人拖住個智障兒子表示要去巴士行緊嘅方向，司機都唔開門俾人上車……
我 覺得咁等落去都唔係辦法，就叫拾爺問吓隔離個相機男係咪去中央車站，因為我頭先都係見佢問完司機後，就落番車，但原來相機男係冇目的地架，佢只想四圍影吓 相……等等等，今次等咗好耐……陪我哋等嘅，仲有一班年青人，佢哋六個人，我唔明點解佢哋唔打的……另外仲有一班印度人，佢哋一行十人，又係要去中央車 站。大家都好無奈，完全唔知要等到幾時……我同拾爺兩點嚟到巴士站，等到兩點半都上唔到車……就喺呢個時候，我見到兩個拎住喼嘅外國couple，於是叫 拾爺問吓佢哋一唔一齊打的。拾爺同佢哋講我哋等咗半個鐘，巴士都唔俾人上車，問佢哋join唔join埋一齊打的，佢哋一口答應，於是我哋就截咗架的士 喇。我同拾爺先將我哋個大喼放入的士車尾廂，可惜，我哋個喼真係太大，的士司機點放都放唔入……外國couple提議佢哋放哂自己行李入車尾廂，我哋個喼 放入座位。我奇怪咁樣放可以點坐，原來佢哋好人到，將我哋個喼塞入的士後，俾拾爺坐司機隔離位，我坐一個位，佢哋兩個一齊坐一個位，我睇唔清楚，但應該係 個女嘅坐喺個男嘅大脾上。明明係我哋個喼駛唔入，應該我同拾爺咁坐先啱，佢哋反而俾最舒服嘅位我哋，搞到我勁唔好意思。
其 實由廣場去中央站車程唔太耐，但因為呢到塞車塞得好利害，搞到搭成半個鐘……的士塞車時又狂跳錶，酒店之前講過車費應該係RM15-20之間完全唔 apply喺我哋個case到，最後要成RM34先落到車……喺呢半個鐘頭入面，我哋都有同呢對外國couple傾吓偈，其實主要係同個男嘅，因為佢哋係 意大利人，個女嘅英文好似唔太得，我見我呢頭講完嘢，嗰頭個男嘅就要做佢翻譯咁。個男嘅問我哋香港同Singapore有咩分別，真係好難講……都唔知點 答佢……佢話佢諗緊去唔去香港。原來意大利人每年有30日有薪假期，佢哋之前去咗Singapore，然後嚟咗馬六甲，喺吉隆坡stay吓後會去中部，跟 住佢哋就未諗去邊，所以問吓我哋。
的士到達中央站後，我哋就 一齊搵賣大巴飛去吉隆坡嘅counter，對意國couple一支箭咁向前行，但其實個counter喺右面……我叫都叫唔住佢哋，唯有同拾爺行快啲去截 佢哋。之後，意國男同拾爺一齊去買飛，我同意國女就企埋一、二邊睇行李，意國女同我講自己英文唔太好，因為佢哋意大利人十一歲先學英文，但佢另一半就去過 英國讀書，所以英文ok。我問佢識唔識其他語言，佢話都學過French，我話覺得French仲難過英文，但佢就同我相反。呢個時候，拾爺突然叫我俾散 子佢，於是我拜託意國女幫我睇行李，匆匆去會合拾爺。我哋買到四點車飛，但當時只係三點半到，所以大家道別，分頭搵地方hea。我後尾聽拾爺講，四點已經係最早一班車，因為有好多巴士公司，佢睇咗幾個counter，有啲賣到七點幾，亦有五點嘅，佢話我哋一買完四點飛，班次就跳到五點幾喇，真係好彩買得切咋！同意國couple道別後，就各有各搵地方hea。
(第37行，應該都好後lu，希望架車唔好咁「凳」啦！)
我拉咗拾爺去麥記，仲買咗杯青檸新地(RM3.5)添！
(估唔到染色得咁利害……)
本 來想話上車前去一去洗手間嘅，但又真係唔急，加上我凝住呢到個洗手間就算要收錢都唔會乾淨，所以都係冇去到。差唔多四點時，就同拾爺去到17號 platform等上車，一去到，已經好多人上咗車喇，又見番意國couple。拾爺將行李放上大巴個放行李位後，我哋就一齊上車，坐得真係好後，坐喺意 國couple後面。上車後，等開車。期間有兩個o靚仔行到某個男人個位到，好似大家都要坐嗰個位(買飛時劃哂位架！)，之後個男人唔知講乜，其中一個o 靚仔想息事寧人，但另一個又唔甘心咁，但最後佢哋都分開坐。究竟係劃錯位，定係佢哋買唔到一齊坐，想叫人俾佢哋一齊坐呢﹖然後，又有一個男人上車後，坐最 後排中間位，但當司機上車點人數時，就安排佢坐番前面，叫個女仔抱起個細路，我估細路仔係不佔坐位嘅。司機見到有空位，就會問隔離嗰個人嘢，但我聽唔明佢 啲話。等到人齊，司機就開車喇！
兩個半鐘嘅車程，我都唔知有冇瞓到一個鐘……拾爺就好好瞓喇，我見佢全程都係雙眼合實。我紮醒後瞓唔番，見到車廂大部人都瞓著咗，反而嗰兩個o靚仔就好精神咁打機，佢哋咁精神，我反而有啲驚，所以都提高警覺，唔俾佢哋點到拾爺個背囊。好彩，之後都見佢哋現疲態，瞓著咗。
大 巴到站，我同拾爺落車拎行李。佢問司機點樣搭車去雙子塔嗰邊，司機好nice，耐心講解。我同拾爺就教埋對意國couple點搭車，行入商場，想去洗手 間，但一聞到陣尿味，即刻出嚟！我覺得自己可以忍到去酒店！同拾爺一齊推行李去對面天橋再落LRT站，唔知點解對意國couple行咗去另一邊，唔理佢哋 喇。
去到LRT站，拾爺又問人點搭車，之後我排售票機，拾爺 就排counter，睇吓counter賣唔賣飛，就嚟到我時，拾爺叫住我，原來佢買到飛。之後我哋就入閘，呢到都係用藍色膠tokens架！然後就係搭 LRT去到某個中轉站，再轉線去雙子塔個站喇。中轉站好大，我同拾爺行咗一輪先搵到另一架列車去我哋嘅目的地，最慘係佢有啲位冇電梯，拾爺要捧住個喼上上 落落……
終於去到KLCC站，一出閘，我哋又問路。拾爺問咗 個女警，佢咁啱企喺條樓梯隔離，就教拾爺行上樓梯再向前云云。拾爺正想捧喼而上，我立時阻止。行多兩步就係大商場，驚會冇電梯出地面﹖！商場仲有 information centre，應該會幫到我哋。於是，我哋就推喼入商場，上一層，搵information centre。呢個商場真係好大！一入去就見到Jimmy Choo、Tiffany同埋Chanel，我同拾爺講，要嚟呢到行！商場嘅staff教咗我哋點行，我哋就出番去，然後向前行。拾爺一邊行一邊搵街名， 終於搵到有牌指向條街，但再行咗一段路，就係搵唔到條街……問人，啲人都唔識嘅……越行越攰，拾爺知我行唔郁，就叫我睇住行李，企埋一、二邊，佢做先頭部 隊繼續向前搵，終於俾佢搵到。佢話間酒店入口唔係大街，要好細心先睇到個牌仔指入去，同埋我哋應該被路牌呃咗，兜咗一大段路，其實酒店距離頭先個商場好近 架咋！唔理喇，去咗酒店先算。但前面啲路好爛囉！
酒店入口真 係唔太得，唔係大街之餘，仲要行入有車出入嘅地方先到達大堂……而reception嘛，又喺二樓……上到二樓，即刻拎房，本來心中祈盼會有 upgrade，但好夢落空……算！我哋住11樓，入到lift想撳制，但冇反應……同lift住客教我哋先插卡後撳制，噢…點解頭先個staff唔講架 ﹖！
入到房，嘩！好大好舒服呀！
(先嚟介紹呢個我哋應該冇咩機會用到嘅地方 — 開放式廚房！有爐頭、廚具、杯碟，真係乜都有，直情可以去supermarket買餸番嚟煮呀！)
(又係設備好好嘅音響組合，可以睇碟又可以插ipod！)
(大床)
(大床隔離，浴室門外嘅兩個櫃，一個掛衫，一個放熨衫用具！)
同拾爺放低行李，即刻沖個涼(我哋呢個trip成日都沖涼！)，我同企缸佢用浴缸，務求以最快速度完事，然後出門口去搵食！
我哋行番去頭先個商場，拾爺計過時，原來五分鐘就到，但我哋頭先……都係下圖個牌累事！
(就係呢個牌，令到拾爺帶我轉入去行，其實只要向前行，就到酒店！激死！)
(喺上枱客食完嘢後，喺咁易抹吓就俾我哋用嘅餐枱，衛生程度之低令人咋舌！點解唔係換過張枱布架﹖！話哂呢到都係高級商場，呢間餐廳收費又唔係平！)
(有自助餐食，但索價八十幾蚊馬拉紙一位，好貴！)
(椰青大就夠大喇，但一啲都唔清甜……好懷念今日晏晝喺和記飲到嗰個，人哋真係平啲又正啲！)
(菠蘿炒飯﹕落咗黑椒，辣辣哋，唔特別好食，收呢個價，我期望佢整得好啲！)
(蝦餅﹕炸得濃咗啲，重口味咗啲……)
(釀蟹蓋﹕餡料為免治雞肉、蟹肉同埋雞蛋，呢個唔錯，用料十足！)
埋單RM95.95，其實都幾貴，因為個菠蘿飯只係一人份量，食完先覺得呢餐食貴咗……我哋唔係換咗好多馬拉紙，因為我唔想成個旅程out budget，所以換少啲，迫自己精打細算啲！
食 飽飽，就抓緊時間去行街喇。呢個商場收十點，我哋得半個鐘到咋！行行行，行Roxy行Addidas行吓啲香港都有嘅，為嘅係格吓價，睇吓呢到平定香港 平，哈哈！其實價錢真係差唔多，不過款式會有少少唔同。但好似Roxy咁，要買夠某個數先有gift coupon，香港買滿$600即減$300，化算好多！而且呢到要求個銀碼高過$600添呀！行咗入Parkson，見到有間專賣organic嘅嬰兒 用品店，入面有啲口水肩好平，於是買咗一條口水肩加一頂帽仔俾我未來侄仔(九月就出世啦，好期待！)。
之 後，竟然俾我哋見到Paul Smith，即刻衝入去，其時已經係九點十喇！入到去，發現呢到嘅Paul Smith都做緊半價，我第一時間去睇泳衣，款式同香港唔同架！有一套仲好靚添！望望價錢牌，平香港少少，好想要！俾拾爺過目，拾爺都覺得靚，於是即刻叫 sales俾size我試。雖然sales拎唔到我想要嘅size，但我點都要一試，大一個size就大一個size啦。試完，又ok喎。但拾爺好認真咁 叫我試清楚，搞到我好動搖。呢個時候，個sales就嚟同我哋講可以幫我keep起套泳衣，等我聽日嚟慢慢試清楚，佢話因為見我好似試得好急咁。嘩，呢個 offer太正喇！我可以番去check吓而家件Paul Smith top係咩size，再拎埋對pad嚟塞入去試真啲呢！其實，sales之所以有咁好嘅offer，可能係唔想我哋阻住佢收工，哈哈！Anyway，聽日 再嚟過！我問個sales要唔要留低個名，個sales話佢聽日番朝十晚十，同埋一定認得我哋喎。
想唔到吉隆坡之旅嘅第一天，就有咁美好嘅事發生！
番酒店前，影吓個雙子塔先。拾爺話呢個角度只係睇到單子……
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
