唉……平時又唔見佢咁準，上個月早咗，今個月準到痺，唔落得水lu……
今 日一樣係八點起身，天氣一樣係咁好！噚晚番房，咁啱有staff打掃緊(呢到service好好架，一日打掃兩次，我哋食緊早餐時一次，夜晚出咗去玩時又 一次。)，發現佢哋放低咗張紙，上面有翌日Cocoa Island嘅活動，例如餐廳嘅主題之夜啦，yoga class啦等等，最正係，佢哋仲會講埋聽日天氣如何，最高及最低溫度，日出同日落時間呢！
換好衫，就出去食早餐喇！經過噚日熱死嘅教訓，我哋今日揀番坐室內，有風扇涼。其實，喺入面都睇到個泳池景嘅。
今日早餐選擇同噚日有少少唔同，果汁轉咗其中一款，水果多咗我同拾爺勁愛食嘅柚，麵包都有少少唔同！
(我同拾爺食咗好多柚！)
![]( "IMG_9193")
(牛奶麥片冇掂過，呢類食物從來都唔係我杯茶……)
(橙汁同柚汁係例牌，但第三隻就轉咗做……)
(如果cut咗Guava我會好鍾意飲架！)
![]( "IMG_9196")
(麵包仍然偏甜……但有水果做餡嘅包係比較鬆軟架！)
今日又係可以order三樣嘢，我哋叫咗﹕
(Cocoa breakfast: two eggs cooked to your liking with potato roesti tomatoes, mushrooms, bacon or chipolatas: 不過不失嘅一道菜。)
![]( "IMG_9203")
(2 egg or egg white omelet with your choice of fillings: 個waiter懶好記性咁，唔用筆記低我要嘅餡，結果我要嘅冇俾我，我唔要嘅俾咗我囉！勁想打佢！)
![]( "IMG_9217")
(Smoked salmon on rye bread with avocado & lemon scented cottage cheese: 話說個waiter懶好記性冇用紙筆記低我哋嘅order，結果我同拾爺食完上面兩碟dishes後，等了又等，都未等到呢道菜，於是要催單！呢道菜嚟到 時，其實已經好飽，但佢實在係太好食喇！中間塊smoked salmon好厚，其實食咁厚會覺得滯，但chef聰明地加咗三小片檸檬喺面，當salmon配上lemon，成件事perfect哂！呢個真係好好食！ 而且自己都整到添！讚！)
食飽飽早餐，因為我落唔到水嘅關係，原定暢游泳池計畫被迫取消，我哋改為沿住泳池旁影相。
拾 爺之前仲話有海灘冇人吼泳池，錯哂呀！一家大細嚟馬代嘅，就會玩泳池，因為要就番小朋友嘛。不過，我同拾爺都覺得馬代唔係小朋友嚟嘅地方，佢哋咁細，真係 feel到呢到有幾天堂咩﹖雖然我一向唔鍾意陶傑，但佢喺呢件事嘅觀點我好認同，唔好帶太細嘅小朋友四圍旅行，因為佢哋根本唔知自己做緊乜，亦唔好帶佢哋 去勻世界各地甚至要花費不少先去到嘅地方，等佢哋自己大過搵到錢去，個感受會唔同啲，仲有，佢哋搵錢都有番個動力呀！而且，啲小朋友發起脾四上嚟好嘈，完 全破壞哂個環境！我覺得呢到真係啱honeymoon多啲！同 拾爺兩個窩喺房又好，出嚟影相又好，玩吓水都好，做所有嘢都覺得好sweet！雖然舊年去歐洲一樣玩得好開心，但個feel係唔同啲架！舊年個trip好 充實，拾爺帶我周圍睇嘢，開眼界，但今年喺個小島上，唔會有好多節目要做，但兩個人一齊hea吓，談吓情，情感嘅昇華又係另一境界。真係就算結咗婚，都可 以嚟再渡蜜月呀！
影完相，就番房抖抖。番房途中，見到呢啲負責喺海底維修嘅staff。
番到房，咁啱有人打掃緊……平時好少咁晏架喎……因為有人喺到，我同拾爺都唔敢換泳衣(上圖條白色褲其實係泳褲仔嚟架！咁樣我可以照影泳衣相嘛！)住……就各有各hea吓先。
(執房staff會掃地，又會每日換露台chairs嘅毛巾架！)
(好鍾意拾爺影嘅呢張相，佢影嘅係呢到嘅水樽！)
(今日水果！)
等 到個staff走咗，我哋就換泳衣出去影相。影相前，我哋先去Spa centre，因為噚日book Spa時，我同佢講book Aug 3，但佢confirm時同我講Saturday。噚晚我諗諗吓Saturday係Aug 4唔係Aug 3，所以都係番去同佢搞清楚件事好啲！去到Spa centre，見番噚日個staff，佢仲記得我哋(當然啦，個小島有幾多個客呀，哈哈！)，我同佢講想confirm個日子，原來佢真係以為係Aug 4，點解會咁呢﹖唔係因為我發音唔正(拾爺係英文老師，佢可以作證！冇偏心我架！)，係因為佢哋個口音問題，佢哋根本就third fourth差唔多音，所以個staff就聽錯咗……好彩我嚟一嚟，即刻改番個日子！
搞掂Spa嗰到，就行去Dive Centre問吓借Kayak嘅手續，原來唔駛book，walk in嚟就得，不過要五點前還，即係最遲四點就要去借喇！但四點又係yoga class喎……咁點呢﹖早啲去玩Kayak﹖到時先算啦！哈哈！
出開嚟，當然又要四圍影吓相啦！雖然呢個島好細，影嚟影去都係影差唔多嘅景，但我哋仍然影到不亦樂乎！
![]( "IMG_9299")
(Spa centre對出嘅swing，如果唔係太陽咁猛，坐喺上面聽吓海浪聲都幾疏乎架！)
![]( "IMG_9295")
(其實呢到有兩個碼頭，一個係上落貨用，另一個就係住客出入用嘅。)
影到十二點幾，先番房換好衫，就出餐廳食我哋個lunch喇！其實……我哋一啲都唔肚餓……
晏 晝時份，餐廳好少客……其實都估到，食完早餐冇耐，我估大家都唔會太餓，而且有好多人都係叫room service嘅。入到餐廳，揀好位，拾爺就同waiter講我哋噚晚去咗釣魚，而家係嚟食魚穫嘅。Waiter問咗我哋個room number後，就去準備，但同時俾本menu我哋睇吓有冇其他嘢想食。其他嘢嘛……我哋都好飽喎……所以最後只係叫咗兩杯lassi算喇。Waiter都表示好明白，梗係啦，隔離枱韓國人都係只叫嘢飲之嘛！
(等緊美食時，waiter送上麵包！拾爺話啲麵包好ok，但我真係太飽喇，所以冇食到……)
(Mango lassi同埋Mixed fruit lassi﹕Mango lassi唔怕好甜，ok！Mixed fruit lassi有啲酸味味，好好飲！不過真係唔知佢溝咗咩水果喇，反正個menu只係話用新鮮嘅tropical fruit，每杯US $7，又係未計加一同6%稅。)
等咗一陣，主菜上場！都已經唔記得咗邊條係用wood grill邊條係用char grill架喇……
![]( "IMG_9387")
(我條黑斑仔好好食！拾爺都話正！肉質食落唔怕好散，當然，真係新鮮釣上嚟架喎！Grill得好好！香料又好match條魚！)
![]( "IMG_9385")
(船員送俾拾爺嘅snapper就差得多喇！肉質較散，就連香料都唔夠惹味……我同拾爺一致認為黑斑仔勝！)
食食吓條黑斑仔，個肚唔舒服……以為係因為自己唔方便啦，點知原來係搞肚仔……好彩，唔係好利害嗰隻。同拾爺喺餐廳hea完後，就番房休息喇。本來打算三點去玩kayak，但我想再抖吓，所以最後決定唔玩yoga玩kayak喇。
Hea到差唔多四點，就出Dive Centre借kayak，佢哋要求我哋簽生死狀先，然後就俾兩件life jacket我哋著。之後叫我哋將隨身嘢store入locker，本來我哋係打算放上kayak到，隨時影吓相架，但見到隻kayak，望到啲浪，我哋改變主意！結果，成個玩kayak嘅過程，我哋都冇影過一張相……有啲遺憾添……
Staff 拉好隻kayak到淺水位後，就叫我先坐上去，我一坐上去，就覺得暈……好大浪呀！之後拾爺上埋嚟，我哋就開始划！我冇諗過划艇都可以咁「浪」，雖然有 life jacket，但我唔識游水，隻艇fluctuate到咁，我真係好驚！我一路划就一路同拾爺講好驚，講到佢都覺得我好煩……我真係好後悔上咗隻艇……好 想划番埋岸，其實拾爺都肯嘅，雖然佢好想玩，但我唔想拾爺失望，所以點都撐住。划出深海時，隻艇定咗好多，但其實個心仲驚，因為頭先都叫淺水區，反艇都浸 我唔死，但划到呢到，有咩「衫長褲短」，真係大大鑊架！
同 拾爺初初划咗個好大浪嘅方向，後尾我哋先上岸睇清楚後，再划另一邊，嗰邊亦係之前見啲住客會划嘅地方，即係划番去自己間房個露台。划划划，只係划咗幾分 鐘，已經攰死咗。我哋之前諗過，划盡都係一個鐘，但我哋都高估咗自己個能力，划一個鐘係會死人架！好努力咁划到自己露台，再划番去借艇處，途中雖然望到水 底嘅珊瑚，但實在係驚到無法專心欣賞……終於划到番去，thank god！個人散哂！條褲濕哂！之後即時番房沖涼，然後攤喺張sofa到hea。玩kayak雖然攰，但其實又幾過癮，哈哈！
喺房hea到黃昏，又出過去，影吓相，同埋去咗reception到借碟睇！我哋見到噚日同船嘅韓國人同強國人，我估佢哋今日出海睇日落同海豚，真有米！
![]( "IMG_9428")
![]( "IMG_9426")
(呢到有好多蟹仔架！佢哋唔郁，根本就發現唔到佢哋個存在！好多時我哋行沙灘，就會見到一粒粒白色嘢喺到極速閃嚟閃去。呢隻蟹仔好唔好彩，俾我同拾爺追住影大特寫！)
(哈哈，我同拾爺嘅影子呀！一人一機喺到影！)
是 夜，拾爺話唔肚餓(因為晏晝已經食咗魚，佢食完自己嘅，仲幫我食埋我嗰半條！)，所以佢決定清咗包麵包佢，只有我一人食杯麵！當然，水果仍然被我哋食哂 啦！食飽飽，沖完涼，就一齊睇Batman！我以為自己冇睇到The Dark Knight添，但越睇又越覺得好多劇情都好熟吓喎……可能我睇過架喇，哈哈！
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
