因為噚日去唔到Brugge，所以改 為今日去！拾爺本來plan咗今日留Brussels，去番第一日入唔到嘅Musées Royaux des Beaux-Arts de Belgique，參觀唔哂嘅St. Micheal and St. Gudula Cathedral，同埋參觀第五大教堂架！不過……我想去Brugge……乜都就哂我嘅拾爺當然會順我意啦，嘻！因為我想去flea market，所以今日七點九就起身喇！食完早餐，就出發喇！
今日天氣好好！有太陽，好暖！去flea market時，途經Palais de Justice，免費入場，當然入去行番轉啦！不過……入面只係一間間房，都冇嘢睇嘅……而且又冇咩人氣，好恐怖……
去到flea market，好失望……我以為，外國嘅flea market會有好多古老嘢執，本來仲想話買啲懷舊飾物，點知……啲嘢modern到死！唔係冇舊嘢嘅，但都係啲傢俬同衫褲鞋襪……呢個flea market個規模都幾細，不過都不乏捧場客，就算係舊衫嘅攤檔，都有人努力尋寶。
離開flea market，行去火車站，買咗來回Brugge嘅火車飛(共€30)，再問清楚邊班車係快嘅，費時又好似噚日咁，搭咗慢車……
原定十一點五嘅車，要成十一點七先到……呢到嘅火車一向準時，都好少會有咁嘅情況喎。
十二點五到達Brugge station，今日又係喪行日！我哋先去information centre拎地圖同睇吓附近有咩好玩。行入市中心時，途經一間一星嘅budget hotel，睇佢個裝修都唔錯，價錢都係€44一晚，唯一唔方便係沖涼要同人share……佢門口貼咗張紙，幾搞笑！
行去Beginenhof ‘Ten Wijingaerde’，呢個係一個中世紀時代，啲religious women、寡婦同埋自梳女聚居嘅地方。已被列入UNESCO嘅世界遺產之一。整個地方嘅環境都好寧靜同舒服，現時亦仍然有人居住於此。不過，雖然入口有 牌寫住不准拍攝，內裡亦有不歡迎團體進場嘅標誌，但仍有不少旅行團於園內拍照。
離開Beginenhof ‘Ten Wijingaerde’，行入啲shopping streets。入咗一間好正嘅舖頭 — Käthe Wohlfahrt！一入到去，已經見到一個大大隻嘅胡桃夾子！入面仲有好多好多胡桃夾子！除咗胡桃夾子外，當然有其他得意公仔啦！呢間舖頭，以 christmas為主題！入面仲有大大棵christmas tree呢！當然，亦唔少得其他christmas配飾！睇到咁多靚嘢，個人都開心啲呀！好想好想影低佢，不過……唔敢喺人舖頭影相……直至……我見到有 其他顧客影相！於是，我同拾爺又偷偷地影，哈哈，好驚呀！
見到咁多靚嘢，真係想掃哂佢哋番屋企呀！不過……銀包唔許可……所以，我只係買咗個紅衣小姑娘啫！
(冇獎問答遊戲﹕估吓我買咗邊個啦！But，大家要等到最後戰利品大哂冷先揭曉！)
行到去Dumon，入去買咗一盒古古力！其實之前都經過 一間Dumon架！不過，當時個店員唔得閒招呼我哋，所以我哋就走咗喇。呢間位於市中心嘅，賣得貴啲(頭先€5.95到有250gram，呢到要 €7！)，不過，古古力嘅種類多好多！只係……個店員就咁用手拎古古力入盒，有欠衛生……
買完古古力後，拾爺大膽問店員借洗手間，結果，我哋有免費洗手間去喇，yeah！
喺Grote Markt影咗陣相，就行去Friet Museum！喺門口望咗兩眼，雖然聞到好香嘅薯條味，但間museum好似好細咁，入場費要成€6一個，我決定唔入去喇！喺門口影張相算喇！
之後行埋去Choco-Story Museum，雖然佢個look好過Friet Museum啲啲，但入場費要成€7，都係想慳吓錢，又係唔入！
行番出Grote Markt搵食！見到另一間Käthe Wohlfahrt，今次啲人更肆無忌憚地同棵christmas tree合照，我當然唔執輸喇！而且，佢有二樓，樓上更加冇皇管，哈！我更加影得起勁！
拾爺一早做咗research，想去Bitter Sweet食嘢。只係……人家冇哂lunch喇，tea又冇set，散叫都唔平，於是我哋就離開喇。喺唔知食咩好嘅情況下，我哋幫襯咗喺Grote Markt嘅其中一間小食攤檔，買咗包薯條(medium size with mayo sauce, €3.1。呢到加sauce都要€0.6！)，坐喺廣場到食。
食完薯條，拾爺對Bitter Sweet始終念念不忘！無他，只因網上有人表示此店之咖啡極佳，弄得拾爺躍躍欲試。反正再也不到此地，不作後悔的事，就進去喝一杯吧！
拾爺點咗 Hazelnut coffee(€2.75)，而我則點咗Milk chocolate(€5)。本來我唔想再飲古古力架(呢排都食到怕……)，我係想點Milk shake架！但……見到隔離枱嗰兩個女人嘅chocolate幾大杯，佢哋又大讚好飲，於是，我就變咗心喇！
雖然拾爺杯coffee冇網上講到咁好飲，我杯古古力，都冇咩特別，我仲嫌佢太甜添…… 但係，杯古古力上枱時好特意架！老闆娘先俾一杯milk我，然後仲有一大嚿古古力，佢叫我自己將古古力放入杯中，跟住啲古古力就會溶架喇！雖然咁樣有欠衛 生(佢就咁用手去掂嚟示範……如果唔係，我係會先去洗手架！)，但係一個唔錯嘅體驗！
嘆完嘢飲，就向下一景點出發喇！拾爺又懶神秘咁，唔肯透露半句……可惜，佢問老闆娘路時，我已經聽到佢要去睇windmill喇，哈哈！
沿路行去windmill時，風景都好靚。去到windmill嗰到，有埋運河景，加上運河旁嘅屋仔，呢到真係靚到人唔捨得走呀！今日天氣又咁好，藍天、白雲、草地、運河、陽光，全部加埋，美景也！
(右上﹕話咗要做追風車的孩子，所以點都要跑兩嘢！)
我哋爬上第一架風車，條樓梯都幾直架！上到去，喺高處望住呢個city，真係好羨慕呢到嘅人，時時刻刻都望到咁靚嘅風景！點解我哋香港只係一個石屎森林呢﹖
再行去第二個風車！呢架封咗，上唔到去……拾爺突然覺得唔可以浪費呢個藍天草地，話要坐喺草地到影相！都真係好難得佢會主動要求影相，平時都係我叫佢影，佢先會偶然答應架咋！
(拾爺又玩偷拍……今日著錯衫……著咗件卡通衫，冇得扮型……)
影飽相後，我哋就走喇。雖然前面仲有風車，但都係差唔多啫！時候唔早，加上我又想去洗手間……都係快快去搭火車(火車有免費洗手間！)，番酒店喇！
沿住運河行番去火車站，雖然忍尿係辛苦，但可以欣賞沿途風光，都值得嘅！好多人都會租架 單車沿住運河嚟踩架，可惜我哋要番Brussels喇……番火車站途中，經過一個地方，有一個木人，旁邊有個牌仔寫住周圍嘅樹入面，有一棵埋藏咗個 sensor，只要觸動到佢，個木人就會跳舞架喇！可惜……我喺啲樹到四圍穿插，跳埋舞咁，都搵唔到個sensor……其實，佢係咪想玩我﹖等我去做嗰個 跳舞俾人睇嘅木人呢﹖
八點幾番到酒店，今晚又頹食！是晚晚餐 — 車厘茄again！食埋噚晚未食完嘅薯片，嗰堆贈品，同埋噚日買咗未飲嘅百事！
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
