Munch

12月之星Aeris的生日飯,跟傳統2人食飯呢,今次去Munch食,book了8:30。

水晶吊燈及昏暗的環境,帶點浪漫的感覺,加上聖誕的佈置,更加有氣氛。

Tequila Sunrise,$58,比平時大杯。

Marmalade Sky,$48,Aeris的。

特級蟹餅,$138,人氣之選,賣相都好精緻,外層煎香,入面蟹肉豐富,味道鮮甜,配上青蘋果,帶點清新,幾好味。

香煎法式鵝肝伴燴士多啤梨．蘋果薯餅,$178,肥厚的鵝肝,夠油潤且味道甘香,好味呀,蘋果薯餅,好特別,口感同薯蓉差不多,香甜的味道帶少少酸,不俗呢。

香煎野生美國帶子意大利飯,$268,有三粒煎帶子,都幾肉厚,味道鮮甜,不過口感硬左少少,蕃茄汁意大利飯,味道酸酸地幾開胃。

芒果拿破崙配青檸雪芭,$88,book位時預先點了的甜品,happy birthday Aeris>3<,酥皮薄脆鬆化,夾著香滑的吉士,有層次又好味,青檸雪芭口感好冰,酸酸的,幾特別呢。

生日點甜品會有份小禮物收,因為是聖誕節,朱古力上有聖誕老人,好得意呀。

食物味道不俗,服務都幾好,有生日小禮物收都幾有心思。

尖沙咀諾士佛臺1號1樓