9 親子做泥人~(四月文化中心見) @「手護城鄉共生」馬寶寶

我們星期日又走到馬寶寶, 今次參加「手護城鄉」泥公仔工作坊, 有得玩有義意而且免費, 一家三口興高彩烈一早就入到粉嶺馬寶寶等開班!!

上年3月到馬寶寶, 大門口擺放貓貓的地段還未被收購…

今次發現地段已被圍封, 貓貓慘被隔離, 心裡寒一寒, 有點心痛又無奈, 不捨得那麼快要向馬寶寶說再見.

入工作坊前一定要在大白菜前留念一下, 我愛食番茄, 有機會我也想制作一個大番茄做地標就好啦.

今日, 我們用馬寶寶的泥土做公仔, 原來每個地方的泥土, 出來的完成品顏色也不同, 這裡的就會變成橙色, 好Hermès感覺!

開課前, 先由Ida為我們分配每人一份已加工的寶寶泥, 真的感謝馬寶寶各人義務為我們辦工作坊, 又無條件協助我們.

小導師Maggie教我們, 最重要是公仔頭, 手手腳腳, 和身體連接時一要多用工具刮出多條坑紋, 再塗泥漿, 公仔就一定會結合得非常完美.

非常簡單啦!! 「懶醒」的我就偷步做公仔喇, 腳還腳, 身還身, 一點也不困難.

突然阿太問老師:「我好似包咗啲空氣入泥裡面, 點算?」老師答:「因為之後要放入過千度嘅爐去燒, 有如果有空氣, 公仔燒燒吓會爆喎.」

吓? 我剛才好似有一部份都包了空氣入去喎, 點算? 好像有又, 好像又似無...擔心問老師是否4月不見自己的公仔在文化中心就代表已爆炸呢? 老師點點頭...

很擔心我這個菠蘿頭「大仁」不能順利展出, 所以快快多拍數張照片為妙.

好多謝老師幫忙SY完成他的帽帽男孩, 否則他的泥公仔仍然搖搖欲墜.

一家六口來一個大合照吧!!老師說:「你哋一家都已經似樣, 連做三個泥人都好神似呀.」哈哈, 又真喎, 不過相比其他同學的作品, 他們真的創意無限.

有位好鍾意叮噹的男仔, 本來一心想做叮噹, 來了才知要做人形公仔, 於是就變成了今日的人形叮噹, 我問你上星期保全叔離開係米好傷心, 他點點頭:「所以就做叮噹囉.」

其他同學每位也很有特色, 其中有人做了一隻羊身人,(圖左) 很有氣勢, 他說見到馬寶寶入面有隻羊, 所以變化成今日的公仔. 我覺得很像澳門賭場入面的風水銅像.

在場Rebeka及Ida等老師忙於做前期工作, 將剛剛從田裡挖出的泥, 人手篩走沙石, 再加入石膏粉...

Rebeka問我:「我哋似唔似工廠女工呀?」老實說, 真的很似. 不過這工廠是愛心工廠, 現場不停嘻嘻哈哈, 大家也非常開心.

原來加工後的泥還要等待數天才可以使用. 哦! 我指著角落細細個有毛巾包裹的「E啲就係畀下一班同學用嘅泥...」

Rebeka笑笑口:「咦! 嗰啲係一陣賣嘅麵包嚟咋...(吓...??)」原來今日我們上的已經是第六班, 最後一班將會是2月8日, 有興趣朋友也可以報名.

因為當你由一舊泥團, 做出一件有手有腳的成品, 滿足感真的很大, 而且如果不爆炸的話, 還有機會出現文化中心, 人生的第一次展覽, 忽然覺得自己很偽藝家喎!嘻嘻

未上堂前SY說:「泥土唔係喺地下嘅咩? 點做公仔呀? 唔好同我講笑…」, 事後阿囝不停說好玩:「我好想快啲到4月睇公仔呀..(之前你又話係講笑?), 之前唔識麻, 爸爸, 有冇得再做多個?」

如果你也想自己做一個可以展覽的泥公仔, 馬寶寶的「手護城鄉共生」創作坊還有兩場:

日期：1月25日、2月8日

時間：12:30-1:30 pm 及 2:30-3:30 pm

地點：馬寶寶社區農場(粉嶺北馬屎埔村)

費用：全免 (歡迎隨緣樂助以作護村經費！)

報名：將個人姓名、年齡(6-10歲小朋友須有成年人陪同參與)、聯絡電話及想參與的時間*電郵到 luitszhim@ymcahk.org.hk，也可即日現場報名 (名額有限，先到先得)

大仁生活facebook

http://dayanlife.blogspot.hk/2015/01/blog-post_12.html