又同Yan搵食,今次去銅鑼灣的醉串,聽聞芝士火鍋同串燒好味,原來是做夜市的,下午6:00至凌晨2:00。
因為好早6:30就去到,冇乜人,之後越夜越多人,店內環境幾大,柔和燈光比人有種好warm & relax的感覺,星星的掛飾好搶眼呀。
我們坐的位置。
水吧位,好多酒品。
有好多玩意,感覺似cafe,等食時可玩一些小遊戲打發時間呀。
坐位之間有個雜物籃放袋及褸,好細心呀。
因為天氣凍,又比鍋物吸引了。
必食龍蝦芝士火鍋,還點左一些小食及串燒呢。
蕃茄芝士波,$28,外層香脆,入面芝士薯仔香軟,有少少蕃茄味,不俗。
芝士三文魚干,$54,魚干面層有一粒粒芝士,口感有少少似臘腸,魚味香濃,是送酒之佳品。
龍蝦芝士火鍋,$158,賣相好吸引呀。
龍蝦同麵包粒份量適中。
麵包粒香脆,配上芝士醬好好味,芝士醬味道濃郁,加上有少少桂肉香,更加好味。
龍蝦,都是彈彈肉的,芝士龍蝦真係好好味呀。
梅花豚肉壽喜燒,$198,要了醬油湯底,好有份量的鍋物。
比較欣賞個醬油湯底,甜甜地,好味,甘菇同菜入晒味,食落清甜可口,豚肉味道不俗。
重慶七里香,$35,是雞串,雞肉軟滑多汁,香味強烈,好惹味。
煙肉海膽燒原隻蠔,$48,最愛的生蠔出現了,好大隻生蠔呀,面層有燒煙肉海膽,味道香口又惹味.好正呀。
塩燒油甘魚鮫,$98,店員教我們張蘿蔔蓉和豉油拌勻伴食,好肥美的油甘魚鮫,魚肉滑嫩,味道甘香,本身又愛食魚,更加覺得好味了。
環境坐得舒服,感覺好relax,食物有水準,店員服務態度親切,好滿足的一餐呀,下次再來要把酒談歡。
銅鑼灣謝斐道440號駱克大廈B座C2地鋪
