晚上時段,同yan想放鬆一下搵間酒吧坐低吹下水,因為是兩位女子,不想到劈場,想搵一間環境幽靜的清吧,途經山林道的mini club,門面是開放式的,睇到入面的環境.看起來蠻有情調的酒吧,又冇嘈雜的焚機聲,於是決定入去了。
環境設計頗為型格,牆上掛了不少懷舊名星照片及裝飾品,戴點古典氣息,幽暗柔和的燈光,給人有種relax的感覺。
酒吧內播放著的流行曲,都是一些輕音樂,感覺好舒服,可靜靜的傾計,越夜越多人,大家談笑風生,熱鬧的氣氛蠻不俗。
古典蠟燭台的擺設,感覺更醉人。
只是飲酒dry左啲,叫啲野食送酒先,見到個menu,有個"蠔、情、醉 分享",$388一支紅/白酒,配6隻生蠔或拼盤,拼盤有海鮮、巴馬火腿、黑毛豬火腿、德國腸,法式酥皮刺身及芝士火鍋6款選擇,每款都吸引呢。
單點的話,拼盤平均$248。
因為不太想飲紅/白酒,想飲Cocktail,差不多每次到酒吧都是叫Cocktail,大概是因為色彩繽紛的賣相及易入口吧,用ipad menu 點酒,好方便呢。
Special Cocktail,Sea Smile & Pinky,Sea Smile,$128 -青蘋果味,味道酸酸甜甜,少少酒味,感覺fresh,Pinky,$128-士多啤梨味,口感有少少似milk shake,果然適合女仕。
海鮮拼盤,$248,有熟蝦(半隻)、睡蟹(半隻)、6隻藍青口、翡翠螺、3隻熟蝦及車厘蜆一隻,好豐富呀,一次過食到多款的,海鮮都是白烚凍食最好,新鮮又好味,用來送酒一流,睡蟹多肉鮮味,藍青口嫩滑,車厘蜆第一次食,好大粒,都幾鮮甜。
生蠔(4隻),$148,看起來好肥美,肉質夠爽滑,海水味鮮濃,少少甜,好味呀。
還點了兩款小食,香芒烤雞薄餅,$78,厚身的餅底,芒果和雞肉的組合,味道香甜,雞肉份量多,不俗。
香烤蜜糖雞翼,$78,甜甜地,惹味又香口。
氣氛不俗的酒吧,悠然自得的感覺,令人暢所欲言,入夜同三五知己摸摸酒杯底,食好野,傾下心事,夠晒happy,食物有水準,推介生蠔,必食,服務態度不俗,店員有禮貌又親切,價格合理,吹水之選呀。
尖沙咀山林道29-31號A
5
MINI CLUB
MINI CLUB (尖沙咀店)
Italian Tomato Café (馬鞍山店)
The Crown
G-fit
Avenue75
嘉美軒精細潮州菜
Infinity Thai Restaurant & Bar
Ophelia 鳥語花香