當日我研發咗玫瑰蛋糕，就嘗試做唔同既顏色。
又試下用唔同形狀既朱古力片去圍邊
用呢種糖片好似比較浪漫，但我已經用晒啦。
都係自製既朱古力片彈性大，可以做唔同既顏色
做咗一批粉橙系列，又做下粉紫，實物比蛋糕目錄更可愛
應該可以搏得紅顏一笑
色彩繽紛，用黎送禮就最啱啦。
如果我肯拋個身出黎，情人節、母親節蛋糕條水，我應該可以飲到。
但我係一個懶人，咁鬼辛苦去接單，梗咪預我啦。
能夠連我自己都滿意既產品，做到出黎，我已經好開心啦。
自己先開心，到人地收到，仲開心!
陸陸續續出晒街，新主人們，請你地好好愛惜佢地呀。
事關要我再整既話，我未必肯制。
我其實冇乜顏料係度既唧，所以都唔可以整到D咩特別既色出黎。
反正花既熱門顏色都係果幾隻架唧，我連粉藍都整埋啦。
總會有一款係你女朋友、太太或者媽咪杯茶掛?
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
