同事又玩迷你屋，要我幫手整架留聲機喎。
嗄~~?乜要剪咁多野架，見到就煩啦，我最怕煩架啦。
呢d係紙樣，要剪各六塊。先剪每樣一塊出黎做版。
再去金色紙度裁喎，用筆畫實唔靚啦，我咁聰明，諗到用大頭針去描線，咁就精準好多啦。
叫做剪到靚靚仔仔啦。
機身底座早就裝碪好
到最麻煩既工序啦: 咪係組合各塊金紙咯。好鬼難粘合，好多彎位，好易移位。
用漿糊筆，唔掂。用UHU既透明膠，又太厚。冇速乾膠水，粘完又彈開，好不容易先做好內籠。
再係外面貼多層，縱使我剪得幾咁完美，貼得唔好，都會好多瑕疵。
跟住又要再組合各組件，乜個說明書冇講架? 咁點搞呀?
提供既尺寸又有問題，唯有改裝一下，監硬粘埋佢啦。暫時用橡筋圈紮實，等佢乾咗先拆。
求求其其交差就算啦，叫做盡咗力架啦。
咁佢只係迷你屋既一個組件，放咗入去，樣衰少少，唔覺既。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
