回味無窮‧海鮮大餐食到撐!!!

再黎個開胃前菜，香芒沙拉大蝦球好精美和豐富的前菜，沙律配新鮮水果做底，大大隻蝦係面，炸粉薄薄地炸得香脆可口，唔會搶哂D蝦味。

薑蔥炒大肉蟹（上）、胡椒炒大肉蟹（下）

我最愛既蟹出場啦♥

兩隻大肉蟹都很新鮮，薑蔥很香口，胡椒就惹味D，有返咁上下SIZE咬落啖啖肉，超滿足的!!!

食蟹都係要落手食先夠風味，重點是食完要舔手指((打飛!!!

蒜蓉粉絲蒸大元貝

ORZ!!!超巨的扇貝!!!淨係賣相已經哇哇聲啦XD

一隻有我成個拳頭咁大隻呀!!!

肉質彈牙，成啖咬落去都咪話唔正呀：）

我而家唸起都流哂口水呀T^T

粉絲墊底，一定要食埋，精華係哂到，雖然有少少油XP

啫啫鮑魚煲

又一回味之作!!!蒜頭我係唔食既，但同鮑魚係個砂煲到熱辣辣撈黎撈去，香味四溢>////<

鮑魚咬落爽口得黎好煙韌，外層香，內裡綿，必試!!!

題外話: 後來先知係用左南非飽魚，屬於不可持續發展海產，下次食之前要問清楚D((罪過

其實用可持續發展的中國(養殖)/澳洲(野外捕獲)鮑魚都一樣咁好味的。

金華雞 (半隻)

這是要把金華火腿片夾著雞肉一口吃下才夠霸氣!!!

雞很嫩滑，配上金華火腿的咸鮮味，超match的!!!

不要誤會雞很油，是玻璃芡啦：）

士多啤梨骨，好特別既配搭，味道有點像咕嚕肉，但比較有甜味。

有點惱人的是骨好大的一舊，吃起來有點...不夠淑女((打飛...你有淑女過嗎?!

蒜蓉炒西蘭花（上）、招牌御膳炒飯（下）

食到咁上下，係時間埋尾啦!

西蘭花夠翠綠，食落新鮮爽脆，仲好夠鑊氣。

炒飯香濃，有點濕度，食落唔會乾爭爭，飯粒粒粒飽滿分明，仲有D海鮮咬下，Like!

最近生果時間-->西瓜盅

又一賣相取勝既菜式(?!)

西瓜肉挖到一粒粒，不過都係太大舊，食既時候有少少"呢hea"，入面仲有D、青提、藍莓同士多啤梨，粒士多啤梨都大大粒架，雪到凍一凍，好消暑既呢：）

碟底仲有Ｄ沙律菜，不過好似冇人食XD

另外，餐廳有自己既魚缸養住D海鮮，如果有特別想食既海鮮都可以打電話訂定，黎到包有得食嘛：）