都有聽過人提起米糠油既,話咩耐高溫喎,但就一直冇試過。
呢枝產自泰國
適合各種烹調方式,連涼拌都得,咁就一油通行啦。但據食開色香味濃既主婦意見,佢地話味道太清淡,唔夠食開既花生油香。若然你都係食慣清淡既野,就應該冇問題既。我呢,就會用佢黎煎野,唔錯架。
大家都知米糠係有豐富營養既,以佢既比例計,呢枝油都要用五十公斤米既米糠先擷取到出黎喎。
原本磨米之後既米糠就係下欄野黎,依家轉成寶,重新包裝,又變成有身價既健康產品啦。
據說明書講,谷維素咁有益處,咁煮飯時放幾滴米糠油入D米水度煮,咪可以順便添加營養咯? 大家不妨試下吖。
我就試過啦,D飯唔會有咩特別既味道,食落就好似普通煮既飯咁咯。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================