頭皮都抗敏@ADJUVANT【Re:>>>「電」「糖」營養護髮系列】

成架繽紛糖果色既產品，估唔估到Yandy今次去左邊呢?

早前Yandy拜訪過日本醫學抗敏品牌ADJUVANT，咪以為淨係護膚品要抗敏，頭皮都係肌膚既一部分，同樣會過敏架，呢個架就係針對頭髮同頭皮既產品啦。

Yandy個頭，一到夏天就笠痴痴>.<

反反覆覆、時好時壞，唔知係邊到出問題。

ADJUVANT首先幫我用Microscope頭髮及頭皮紅外線診斷分析下D頭皮同頭髮狀況。

200倍放大功能，放大一睇，就知原來我頭皮都偏油，所以比較容易黏笠，而且仲有輕微既發炎狀況出現，要好好處理啦。

頭髮由80-90%既角質蛋白同水分組成，用附設紅外線模式，連髮芯都睇到，因為短髮加上染燙唔算太嚴重，蛋白質都未算被破壞得太嚴重。

日本專業HairSalon級既頭髮體驗【Re:>>>「電」「糖」營養護髮系列】

針對唔同既髮質需要，配備科研配方既洗頭水及護髮素。

仲有洗頭好幫手【Re:>>>頭皮清潔刷】，一個有齊三款唔同既按摩刷頭，幫助清潔、按摩同軟化頭皮。

BA幫我揀左粉紅色呢套【Re:>>>Natural防敏感護理系列睬Sensitive Care Series】

見唔見洗頭水入面有片葉?

原來呢片葉大有來頭，佢係有日本專利設計既ReLeaf，由碧茜同檸檬酸提煉而成，會釋放負離子，發揮防菌、防腐、清潔等功效，仲順便標示埋容量添。

即刻洗頭先，原來洗頭最好洗兩次，一次洗走頭髮上冒造型產品同表面污垢，第二次洗先真正洗到頭皮，真正洗走皮脂同清理毛孔污垢。

無香料、無色素既防敏感洗頭水，用左糖系潔淨配方，仲帶舒緩同抗炎既功效。

洗起黎感覺真係好溫和，個味好似礦泉水咁，好清澈乾淨既感覺。

而且唔單止可以洗頭，洗身都得，受濕疹同暗瘡困擾既朋友都可以試下。

修護霜都有抗炎除菌既功效，仲可以鎖水保濕，改善頭皮同髮絲。

留係頭髮上5分鐘左右洗走就OK，真係幾水潤，同埋唔會殘留Block住頭皮。

我用左兩星期左右，頭髮黏笠既問題真係有所改善，唔係唔笠，不過由午後開始笠，到而家差唔多放工先笠，有大改善，而且冇咁焗住焗住既感覺，異味都唔覺有啦。

售賣點：尖沙咀彌敦道63號iSQUARE國際廣場504號舖

網址: http://www.adjuvant.com.hk

Facebook: www.facebook.com/adjuvant.hk

Weibo: www.weibo.com/AdjuvantHK

「產品及有關資料由品牌提供」