前排黎到位於佐敦既
「和匠日式燒肉店」，店子門面裝潢得很有日本風，不過那道趟門確係有點難拉。
![]()
![]()
入到店內坐位唔多，客人可選擇正常坐位或者選擇坐面對牆壁位都可以。
由於店子所供應的肉類都無醃製過，讓客人可品嚐每種肉類原汁原味的味道，最出名的當然係招牌「飛驒牛」，不過今晚小妹就未有品嚐。
![]()
![]()
![]()
![]()
![]()
![]()
![]()
![]()
餐廳牌上既選擇其實都多，客人可選擇要套餐或者散叫；沙律、珍味、豬/牛/羊/雞、海鮮、菜揚物、炸物、和食、燒物、串燒、湯、拉麵/手打烏冬、炒飯等都應有盡有。
店子也有提供一碟三款味道的醬汁，包括柚子汁、自家製燒肉汁(建議牛肉專用)、芝麻醬 (建議雞肉專用)，不過要點邊隻醬汁，自己喜歡就好。
不過今晚燒個時煙都幾勁下，友人坐個個位有點辛苦，而且仲幾熱下。
先要左枝日本知床出產的啤酒，只有5%酒精成份，飲落順口富麥香，頗適合女士飲。
豚腩肉（鹽燒） $78
薄切的豚腩肉，上面為脂肪位，把它放在爐上輕輕一燒，很快熟透。咀嚼中邊位帶微脆及脂肪香，頗香口。
美國 Prime 牛角切 $148
色澤紅潤既牛角切，食落富肉汁，咬落煙韌有口感，牛味不俗，整體味道不錯。
美國 Prime 牛小排 $168
紅紅的一片能看到上面的雪花紋，放在網上燒能看到格格網紋；入口肉質比較柔軟有嚼勁，肉味濃郁。
牛舌（薄切）$88
薄切牛，食落香口之餘，質感都頗爽彈。
極上黑毛和牛舌（厚切）8PCs $218
真係要即刻講句「呢款厚切牛舌真係堅好味」，小妹推介必試! 由於係厚切，所以燒既時候要耐少少，小心掌握火喉，一咬落質感超爽口彈牙，讓人欲罷不能。
原隻烏賊 （鹽燒）$62
一次過的把整條烏賊放落去慢慢炒，當然火喉也是要留意，否則燒過龍，肉質會變得很韌很難食落口，接近熟透既時候塗上些醬汁更好味。
今次我地就炒得剛剛好，食落微脆又香口，質感咬落有彈性之餘又夠爽，小妹都食左唔少。
雞翼 (鹽燒) 1PC $18
雞翼燒至面層帶金黃色，食落外脆肉嫩，香口又惹味，頗有水準。
自家製稻庭手打烏冬
如果想有些飯麵落去，呢度既稻庭手打烏冬都係唔錯既選擇，烏冬入口質感滑溜溜，口感彈牙。
和匠日式燒肉店
地址: 佐敦長樂街23-27號德威大廈地下3號舖
(港鐵佐敦站 B2 出口, 步行約3分鐘)
電話: 2264 8928
營業時間: 星期一至日: 12:00-15:00; 18:00-23:30
================================
(喜歡的，請按讚支持，是給我很大的鼓勵啊 ![]()
)
和匠日式燒肉店
割烹 櫓杏 Kappo Ro Ann
鮨千寿(尖沙咀店)
木戶 KIDO
Shibui 洋食屋
風雲丸
源峰 Mizutani
鶴亀