又係快樂既化妝時間：）
今次揀左幾件韓國人氣品牌LUNA既產品同大家化左兩個妝，夾埋唔洗10分鐘，幾時都可以轉妝轉Look，放工去玩又得，最岩係約左人遲到時拿拿臨執返個樣嘛XD
LUNA 長效保濕定妝噴霧 (LUNA Glamorous Ending Vita Water Fixer) $148
LUNA 多用途保濕軟膏 (LUNA Nine Hour Multi Balm) $158
LUNA 閃鑽眼影筆 (一筆。深淺雙色) (LUNA Eye Dual Shadow) $128
三款產品都各有特色，價錢唔太貴兼夾實用性極高，好值得入手架：）
LUNA 多用途保濕軟膏 (LUNA Nine Hour Multi Balm)
油阻隔膜含有長效滋潤成份的角鯊烷，仲有成12,000升儲水能力，天然成份會係皮膚上形成不黏膩既油阻隔膜，隔絕化妝品與皮膚直接接觸，可以直接當底霜用都無問題。
韓妝既特點之一就係留係肌膚上淡淡既光澤感，呢枝多用途保濕軟膏就可以打造出呢個效果啦，但礎於香港既天氣無韓國咁乾爽，我會以3份粉底＋1份多用途保濕軟膏溝埋一齊用，咁就唔會睇落成隻油鴨咁啦。
話明係「多用途」保濕軟膏，當然唔止一個用法啦。
可以直接當成潤唇膚，仲可以MIX唇膏用，我今次就先畫左個好有擊味既咬唇妝，再直接係面加少少保濕軟膏，唇色更加鮮艷，有光澤呀。
平時如果買左D太乾用唔到既唇膏都可以試下加少少保濕軟膏，好大機會救得返。
另外，眼影都可以加入保濕軟膏，會變得更特出，睇落帶閃感架。
LUNA 長效保濕定妝噴霧 (LUNA Glamorous Ending Vita Water Fixer)
上完底妝我地今次唔用碎粉定妝架，因為想保留韓妝既光澤感。
如果呢個時候一掃碎粉成個妝感又會啞緻返架啦! NG!
所以今次定妝就用LUNA 長效保濕定妝噴霧，佢係一層水、一層油咁既，用之前要先搖。
妝前妝後都用得架。
噴既時候距離面部約20cm，45度角向上噴，輕拍至完全吸收就OK啦。
佢既噴霧唔算太細緻，所以千萬距離唔可以太近呀。
含有天然複合維他命，令皮膚持久濕度，仲有清新檸檬香味，用落都幾爽架：）
LUNA 閃鑽眼影筆 (一筆。深淺雙色) (LUNA Eye Dual Shadow)
搞掂個有光眼妝澤感得黎又唔會變油鴨既底妝之後，就黎到最重要既點晴部分啦。
眼影筆有4款色，神秘黑、甜蜜粉紅、誘惑古銅、迷人紫。
一枝有齊深淺兩色。
容易上色之餘，顏色夠哂持久。
袋住枝係身，有咩事需要化妝都可以輕鬆完成妝容。
日常妝當然係萬用既大地色最岩用啦!
先用誘惑古銅深色個邊畫到雙眼皮位置，再用另一邊既淡金色帶返D亮度俾眼窩。
對好多女仔黎講，其實個眼妝已經完工架啦。
但陰公豬我係豆豉眼，都係畫返條眼線比較好，但今次唔待別拉長，畫返正常長度就夠啦!
眼妝完成!
輕輕鬆鬆畫幾筆，日常妝已經搞掂哂啦!
胭脂無搽喎，唇都係就咁搽左多用途保濕軟膏咋。
再黎係將我地既日常妝轉妝做Party妝。
平時返工唔可以化太誇張，但放工去玩，緊要唸計仔搶下鏡啦：）
用一隻拎得哂既妝物，放工前入洗手間極速轉妝兼轉Look去玩餐飽先XD
拎左兩枝閃鑽眼影筆入洗手間，分別係神秘黑同甜蜜粉紅，開始轉妝啦：）
先用甜蜜粉紅淺色個邊畫返個臥蠶位，再用神秘黑既深色畫滿成個上眼皮到雙眼皮位，今次就可以盡力往後位長多少少啦，放工後誇張少少都冇問題。
連接返下眼影，畫到眼珠左右就夠啦，太長只會令對眼更細。
最後一個步驟係用神秘黑淺色個邊畫埋成個眼窩位。
眼妝已經成功轉左啦：）
照計個底妝應該已經Keep左8/9個鐘，係時候拎返枝長效保濕定妝噴霧出黎噴一噴，等個妝到成晚都照樣咁水噹噹。
其實平時出街熱辣辣都可以噴一噴，降下溫架。
希望大家鐘意呢次既轉妝分享啦：）
銷售地點:指定屈臣氏有售
電話查詢:+852 2581 9965
Facebook: https://www.facebook.com/Cosmetic.LUNA.HK
Website : http://www.cosmeticluna.hk
「產品及有關資料由品牌提供」
累積瀏覽 520742
全部攻略 1065
全部回應 167
