魚生呢，其實我就好少食。
但奈何女仔朋友每次眾會都幾乎係揀日式餐廳，久而久之我都會食下魚生，但其實都只係三文魚同甜蝦XD
今次同朋友仔去左西環既街坊日式小店：)
睇個樣其實都唔係好街坊者，點解話佢街坊小店?
其實老闆主力做街坊生意，個價大件夾抵食，魚生又夠新鮮，留住客仔都真係要落D本架XD
前菜係送既，老闆特製既漬物，有少少中藥味又幾有嚼口。
大大碟枝豆都係$22，都話係街坊價啦：）
由於我肯食既魚生種類實在太少，所以決定今餐就黎個三文魚盛宴XD
唔好以為三文魚係日本黎，其實挪威先係全球最大既三文鱼出口國，呢到用左挪威三文魚做刺身。
先黎個拖羅，三文魚最肥美既部位，挪威水域凍到震，三文魚既魚油就更豐富啦。
挪威三文魚既油脂分佈平均，一層一層，紋理靚到生熟都極有層次。
紅酒三文魚唔洗點醬油入口又香又滑既呢!
火灸芝士三文魚就夠哂香口。
軍艦係三文魚X魚子既配搭，哈哈，好狠但好味!
生食OK既，熟食一定唔會差，食魚我好鐘意一片片壓開食，只有油脂分佈平均既魚先得架咋：）
燒都好食，香口度UP＋
嫌太肉肉肉，可以試呢個，包住生菜清新感返哂黎。
呢個出面食唔到啦掛，外面天婦羅，入面包住茫果同三文魚，配搭新穎得黎仲口感十足。
累積瀏覽 485639
全部攻略 1065
全部回應 167
