放題。大瀛喜日本料理

8月9日(星期六)~上午係屋企食完個豐富既厚多士早餐

真係飽到可以等食晚餐~依日老闆又又又話食日式放題

其實之前一直想試"極尚大喜屋"~因為見食評d刺身

好新鮮又靚~我地食放題..真係純粹為食刺身而去

所以依點係最緊要~不過食評又話book左都要排隊

地方好窄好迫~正正依兩個原因..真係提唔起勁試住

最終揀左另一間.."旺角 - 大瀛喜日本料理"
(咁岩依晚老闆有個fd去左"極尚大喜屋"~答案完全同上面一樣)

~ ~ ~ ~ ~ ~ ~ ~ ~ ~

下午打去book檯~有3小時放題/2小時放題($208..85折+10% c.s.)

兩個人食兩個鐘..其實都好足夠~所以book 2小時

食店環境幾大~坐位都ok舒適~而整體服務都有禮貌

依晚都係揀黎食..主打"刺身類"(由其甜蝦)


仲會有另一款"虎蝦"



整體刺身類都好新鮮+夠凍無雪味



三文魚好肥美



"沙律&小食類"..夠凍食材新鮮



"泰式鳳爪"..味道唔算好酸辣~但都ok幾好味



"涼拌豬耳"..味道淡左少少



"天婦羅類"..新鮮熱辣辣~炸粉厚左少少但都好脆



"串燒類"..鹽燒蝦唔掂~肉質唔新鮮

雞軟骨無乜味~完全無特別感



依兩款都無乜特別



"炸物"..整體炸得脆口~"吉列蠔"最好味

"吉列蠔"後面細細粒"一口芝士"~味道太羶

"吉列薯絲蝦"..外層薯絲夠脆~內層帶水份..蝦肉ma ma

"芝麻雞翼"..味甜~雞翼無味+有陣雪味



"紫心香芋丸"..當甜品食會比較好

外層脆脆~口感煙韌..味道都唔錯



"吉列手指魚"..外脆內軟~魚肉同樣無味



老闆最愛吃粥~點個"蟹粥"(要求1/2份量)~聽聞ok..粥底綿綿



"甜品類"..款式都多~但味道全部都唔掂

"Tiramisu"..蛋糕層鞋口而底部亦太濕



"焦糖燉蛋"..口感唔滑~蛋&奶味都不足



"鮮果酥餅 & new york cheese cake"

酥餅唔夠酥鬆脆+無味~cheese cake口感好笠+芝士味好羶



因為主打食刺身~除左刺身..好多都唔算太岩食

放題包飲品..選擇都幾多~不過依晚揀飲熱茶

老闆尾段只飲左一罐啤酒



依晚同老闆傾開~又同佢揀下"日式放題(晚餐)"心水食店

因為"泰菜"有共同心水食店~睇下"日式放題"一唔一樣先



我地以食物用料+質素再對比價錢..衡量總分

先揀"最愛日式放題"..大家不約而同都揀"中環-碗屋"

晚餐價錢連+10%($5xx/位)~食材靚+足料(超值得推介)



至於"最差日式放題"~估唔到大家又一樣揀"嵯峨野"

晚餐價錢連+10%..當年$6xx/位~依家$7xx/位

大家覺得收得咁既價錢~食材應該有返咁上下..但勁失望囉



年初表弟傾開想試"嵯峨野"~老闆都建議表弟試"碗屋"(正!)

雖然依間酒店..信用咭全年有折~但都唔會再揀食日本菜



整體"大瀛喜"刺身好ok~其他食物一般

環境可以..但走廊位唔太寬敞~服務員出出入入

唔小心跌汽水攪到老闆條褲濕晒(上次"銅鑼灣-滿屋"又係咁 =.=")

同埋..最唔好又係會cut份量+有漏單情況

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================