家族聚會。番本日式放題

6月7日(星期六)~依晚有家族聚會..原本係復活節假期攪

拖拖下..早幾日先再攪話去食"日式放題"~對上果次都係喎

聚會去左銅鑼灣"組長日式放題"~今次就去旺角"番本"試試

朝早等老闆剪完頭髮~約定時間..再去"金坊"飯堂食泰Lunch

之後買完禮物..行陣就返屋企~夠鐘再出發等齊人去食店呢

~ ~ ~ ~ ~ ~ ~ ~ ~

我地一行15人..所以食店安排左間VIP房比我地

房係夠大..但張檯都好大~大到夾野食超唔方便

我全晚掛住傾計..無睇到有咩食~總之有野黎就食啦(哈哈)


刺身比較好都係三文魚,甜蝦,懵仔魚



like"番本fb專頁"送"鮑魚"~服務員要驗證手機架

味道一般..無乜味



"焗蠔"..除左芝士味仲有沙律醬酸味~mix埋一齊好怪



天婦羅類都ok..炸粉唔算好厚~甜薯好好味



"鹽燒蝦"~個味唔夠焦香..蝦肉質ma ma



原來都唔係食左好多野~一來..張檯太大好難夾食物

同埋..主打傾計多~飲品方面有啤酒/汽水/清酒/梅酒任飲

整體食物一般~而漏單/cut份量好嚴重~上菜速度又超慢



表姨甥仔+其中一個表妹生日~食店送個朱古力火鍋

本身我唔嗜甜~所以覺得個朱古力真係好甜



下午買左份生日禮物比姨甥仔~記得佢好似鐘意米奇

唔想買玩具..所以同老闆一齊揀左隻錶送比佢戴^^

依晚聚會好開心~我地仲講定下次BBQ(不過唔知幾時攪得成呢..哈)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================