7 霸氣....

兆萬中心位置近登打士街, 人流超旺, 之前萬寧地下的鋪租, 因為加租太勁而走人, 據聞月租接近百萬. 樓上鋪當然會隨樓層上升而遞減, 但也都超越了想像能力. 上年12月也倍朋友上去二樓, 睇過那些細無可細的鋪, 180呎建築物面, 太約五十巴先實用率, 租金都要三萬八千, 嚇得我朋友企唔穩. 事隔七個月, 再到訪此地, 食店位於大廈的八至十一樓, 升降機在第三層, 必須途經小型商場, 可惜商場內售賣的貨品, 都是年青人為目標, 不合我這般年紀的阿伯...哈哈

到達商場第三層的升降機旁, 有齊各間食店的宣傳板, 全都是日式放題, 花多眼亂, 最吸引眼球的, 就是左中的一間, 黑色的背景, 只有名稱, 完全沒有價錢和食物圖片, 這反而引起我的興趣, 立即網上了解一吓, 價錢不貴, 大至上不差.

到達門口, 看見已經坐了八成滿, 信心當堂大增, 等了大約五分鐘, 店員為我們安排座位. 不出十分鐘, 再望一望門口, 已經出現人群聚集.

不是假期的星期二, 晚上6時50分左右, 門口人山人海, 已經證明了我們選擇正確....哈哈...

價格包括了任飲清酒, 叫了一樽凍清酒, 酒種屬全白透明, 不甜, 友人愛甜酒, 不合其心水, 但我十分喜歡. 任飲款式, 理應也是低價貨, 但水準也不差, 微微芳香, 全不辣喉, 算交足功課.

先來一客刺身, 賣相不算很好, 但味道一流, 三文魚未算肥美, 但軟熟新鮮, 吞拿魚味道清新而全無酸味, 大蝦連蝦頭, 亦算鮮甜, 帶子雖細但鮮甜爽口.

鯛魚也比想像中好味, 入口新鮮, 全無腥味. 食刺身, 要享受鮮味, 絕不可以加那些平價芥辣, 只沾醬油已經足夠.

通常刺身都會配上紫蘇葉, 用紫蘇葉包著刺身來吃, 隨了增添芬芳口弋感, 更可除去魚肉的腥味, 我則喜歡用來包"反卷", 味道更勝一籌.

海膽軍艦賣相未算突出, 然而入口尚算不錯, 也全無腥味. 另一款吉列芝士蝦卷, 內裡的炸蝦超熱, 芝士味道未算太濃, 但整體味道好特別.

香蔥拖羅蓉手卷, 日式放題店而言, 這水準算是七十分以上, 拖羅蓉的口感豐厚, 唯味道未算太香.

黃金焗蠔, 上檯時熱度十足, 剛焗起便拿出來, 還看到表面一脹一縮的畫面, 蠔身未算肥大, 但肉質和味道都十分滿意, 芝士味道濃郁, 友人翻單三次.

大蝦天婦羅, 都是即炸, 口感超熱, 蝦肉夠彈牙. 番薯天婦羅, 我們以為是用日本小紅番薯, 有些少sad...哈哈. 南瓜天婦羅, 無得彈, 軟、綿、甜、香...齊晒.

大蝦串燒, 燒足時間, 夠香口, 蝦肉不痴殼又夠彈口. 燒牛舌, 與期望不同, 口感略硬. 盬燒秋葵, 我們最愛, 吃了三次. 燒秋刀魚, 友人膽固醇偏高, 只能是屬於我了....

最後的甜品, 因太飽, 只能淺嘗, 奇異的水晶球, 稱為"櫻花水信玄餅", 味道不太甜, 比一般的啫哩更軟更彈口. 香蕉朱古力必食, 甜度中等, 好好味.

今天不算太肚餓, 吃得不多, 此店供應的食品, 我們只食了六成左右, 下次再來時, 必定試齊所有. $178的價錢, 算是物有所值, 原來7:30前結賬, 還可以再便宜一些, 下次早些來早些走...哈哈...

食物品種不算十分多, 但放題應有的都已經包括, 這是刺身與壽司部份.

前菜小食與、佐酒小食與炸物.

燒物、日本料理與甜品.

飲品, 還有另加錢的任食升級食品.

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================