因為有免費飛之下,又去工展會了,其實年年擺既檔都差唔多,冇乜特別野有興趣,雖然咁講,點知都係入左唔少貨...XD,平日夜晚去,真係好少人,定唔知今年少人去,行得好舒服呀。
今次公仔麵好識做,個檔以KITTY為主,好得意,吸引了不少女仕,至少吸引左我先,幫襯左。
如果入到去影相就正呀。
行到兩個鐘都唔洗就行晒,好快呀。
入左唔少貨,不過都係平時食既野,好多我都介紹過呀~!係有幾款比較特別少少。
snackit吞拿魚餐,$180有24個,平$7.5一個,真係抵左好多,同yin開心share,要個8個,都只係$60,好抵呀,yin仲要唔收我錢...下次我請食飯呀>3<~!
芝士公仔麵,出左一段時間既,不過都算係新野,超市應該都有售的,見到芝士,即想試,食左之後再介紹。
維鮮牌忌廉牛油酥,新出品,喱個牌子既牛油酥出名好味,見出左新野就試下,一粒粒圓形既餅,食落好方便唔會好散,味道香甜酥脆,忌廉餡小甜,幾好味。
蝦籽扎啼,$12/2件,未食過喱樣野,不過聽過陳意齋既蝦子扎蹄好出名而知有喱樣,本身想試陳意齋的不過實在太貴冇試到,而加見華園個檔有仲要平就試下,食落林林地,同腐竹卷冇咩分別,亦唔覺有蝦籽味。
嘉頓椰心卷,$12,好抵呀,平時超市都要$16以上,萬花卷同椰心卷各要左1包,椰心卷未試過架,都幾香椰子味,唔錯既,不過都係萬花卷好食點呀。
冇咩執到好平既貨,純粹行下,都幾好,如果係假日,一定好多人呀。
感謝 味之素 提供以上資料
個人日誌: http://moritatintin.blogspot.hk/
