聚舊日,約左文同gogo去左行街食飯,唔知食咩好,經過見到好多易拉架介紹木桶雞客飯,賣相靚價錢平,於是就去試下呀。
7點幾去到,都幾多人幫襯,好在岩好有位唔洗等,個環境好細,坐得都幾迫。
要左3個set,薑蔥雞、沙薑雞同鹽焗雞。
實在好壯觀呀。
沙薑雞,賣相就幾靚,不過份量都就好少,得果5-6件,仲要好細件...味道上,沙薑味好淡,唔夠入味,雞多骨少肉同偏肥,好一般。
鹽焗雞,肉質都係一樣,味道又係偏淡,不過本身鹽焗濃味點,比沙薑好點呀。
薑蔥雞,三個之中最好果款,唔怪得招牌,不過水準都係一般,又係味道唔夠濃呀。
白飯,普通size呀。
熱檸茶。
埋單平均$38一個餐,整體上份量少味道一般...唔係好抵食,只係賣相好呀。
感謝 味之素 提供以上資料
個人日誌: http://moritatintin.blogspot.hk/
