今日上班six堂，上上吓，窗外有隻狗喺山坡到狂吠 (教室同山坡距離好近，周不時睇到啲人喺到行山、晨運等等。)，由於隻狗越吠越大聲，越吠越起勁，我又唔記得帶咪，把聲開始被蓋過，而同學亦紛紛望向窗邊，有啲甚至過份到企起身去睇隻狗……山坡上，我見到狗主望到呢班應該專心上課嘅同學全部掛住望佢隻狗……當下而諗到人家一定覺得我校學生上課唔專心，佢哋嘅行為完全係影響校譽！我嘗試招番佢哋嘅靈魂番嚟，可惜不得要領，無奈下，唯有爆出﹕「我覺得我自己連狗都不如囉！妳哋個個望住隻狗都唔望我！」班妹即刻笑唔停，完全冇諗過安慰我……有啲仲想再睇狗，我再拋下一句﹕「邊個再望住隻狗，就出嚟同我扮狗！」總算用兇的去收復失地。
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
