4人再戰,點解會係再戰喱?明明之前冇食過,事原上年去過一次,有個阿姐態度好差,之後攪到唔想食走左,而事隔一排,太想食之下又來了,又係因為想食清清地之下揀左~!
7:00前去到,太早唔洗等位呀,即係有咩食,主要係食魚米線/泡飯,雖然米線係好食點,不過我揀左泡飯,因為最近成日食米線,叫左鯇魚尾米線2個,黃花魚米線(成條魚),馬友泡飯(成條魚)~!
馬友泡飯(成條魚),好正呀,成條魚上既,好滿足,質地鮮甜好食,個魚湯仲得,又係好鮮甜呀,同清清地,魚湯浸入晒d泡飯到,食落更加好味,份量又多,幾抵食~!
黃花魚米線(成條魚),聽講黃花魚係更加好食,不過我冇試到,聽yan講真係好好味,魚肉唔單止鮮,仲要好甜,再加上魚湯同米線之下更加好味呀~!
鯇魚尾米線,真係好多魚尾呀,可開心share,本身大家都like食鯇魚,魚尾雖然唔係好多肉,不過本身大條,肉質嫩又甜,好味呀~!
因為本身好like食魚,so feel正呀好滿足,魚湯甜,魚又正氣,清清地又好味唔錯呀,今次個阿姐好好人,因為唔係上次果個嘛haaaaaa,我因為想食清d問左好多問題,佢都肯耐心咁答,又知我地想share試下d魚,專登拎多幾個碟比我地分來食,好細心~!
成條魚米線大約都真係幾回味,下次要再來食呀~!
荃灣路德圍30號地下
感謝 味之素 提供以上資料
個人日誌: http://moritatintin.blogspot.hk/
