經過北角,當然要去試下出名的雞蛋仔啦,未到lunch時間已經有好多人排隊了,真係好多人幫襯,排梗隊時已聞到好香~!
等左幾個字先有得食,新鮮出爐的雞蛋仔,$15一底,都真係幾貴~!
比平時食開的雞蛋仔大點同厚身點,感覺上份量比較多,食落外層香脆,內裡軟綿綿,同好香蛋味,口感好豐富呀,趁熱辣辣好好味(真係好熱,即食小心辣到口)~!
綜合來講比平時的雞蛋仔好食少少,香點同口感正點,不過個價就真係幾貴,$15一底.....格餅都好吸引,不過一次過食唔到咁多,有機再去先試~!
留左少少雞蛋仔拎返公司去比aeris試,不過太耐時間之下凍晒了><",變得太un唔好食了...都係趁熱食最好~~~~~!
北角英皇道492號
感謝 味之素 提供以上資料
個人日誌: http://moritatintin.blogspot.hk/
