同aeris and king去試下新野呀,聽講喱到既咖喱唔錯,於是就來試下,差唔多9點幾去到,都要等位呀,估唔到咁晏都多人食,等左幾個字先入到去~!
喱張係差唔多走時先影,so冇人,其實個場都幾大呀,喱張相只係其中,卡位比較好舒服呀~!
入到去時都幾晏,即睇下有咩食,一個飯加$15有餐飲同甜品~!
咖喱辣度係有得揀既,本身想揀辣點,but驚會太辣之下大家都係要少辣好~!
飯量亦有得揀呀,飯量多點唔知加幾錢,but就知要少點飯可減$5,我地唔知佢本身飯量多唔多so唔減同加呀~!
包裝幾靚既濕紙巾~!
king既凍奶茶呀~!
aeris既橙汁~!
我叫的可樂~!
吉列豬扒奄列咖喱飯~我同king都係叫喱個~!
賣相好吸引呀,份量都幾多,咖喱汁多到好似浸住d飯咁,食落好滿足,味道少少辣,咖喱味香濃,好味呀,吉列豬扒外脆,內裡唔算好嫩不過都幾鬆化,幾好味~!
奄列飯,d蛋好滑呀好好味,飯量真係太多了,下次再食真係要減d呀.....!
牛肉奄列咖喱飯~牛肉份量比較少,不過飯量咁多一定夠食,牛肉口感鬆化幾有肉味,唔錯呀~!
甜品係雪糕,曲奇味同士多啤梨味,d雪糕有d冰...好凍呀,不過味道唔錯,士多啤梨味有少少果肉,個人都幾鍾意呀~!
喱到既咖喱飯真係幾好味,不過係價錢貴左少少,一個飯加餐飲同甜品平均$90到,份量真係好多呀,我估女仔可以減$5飯量來食都得了,haaaaaaaaa~!
感謝 味之素 提供以上資料
個人日誌: http://moritatintin.blogspot.hk/
