同食之戰友aeris又去食新野,因為換船飛既關係,去左喱到食早餐,聽講喱到既野食唔錯,特別係西多士同奶茶,不過喱次因為太早唔想食甜之下冇食西多士呀,只好下次食了~!
環境唔係好大,大約5~6張枱到,早上之下都幾多怕怕係到食野喱,佢喱到冇套餐食既,要散叫,不過價錢都ok架,同個老闆都好好人~!
喱個係廚房~!
新鮮既麵包~!
個餐牌,最初來到時唔多留意,野食多數係個人介紹之下叫了~!
樽仔凍奶茶,好特別在係用(汽水)玻璃樽載既,用玻璃樽既好處係特別夠凍(好似汽水咁都係樽裝冰凍點),比較好飲點,又唔洗加冰整淡晒d味,保留返奶茶本身既味道同份量,而個奶茶都幾香滑呀,個賣相既特別又好飲,唔錯呀~!
咸牛肉蛋包,本身想要治,不過個人推介之下要左包呀~!
幾有份量既蛋牛,加上都幾多蔥之下,食落都幾香口,幾好味,個包都幾軟熟,唔錯呀~!
餐蛋麵,我地都好鍾意食,haaaaaaaa~!
雖然係好普通既野,不過又覺得幾好味呀,同越係普通既野越想張佢整得好食係有難度的,好講煮果個人既心機,當然加上自己又偏向鍾意食喱個呀,ha~!
原來都幾出名呀~!
下次要食個西多士~!
綜合來講d野食幾特別,明明係好普通既野食只要肯花點心思就變得幾特別,雖然係街市入面來的不過又坐得幾舒服同自在,同個老闆伯伯真係幾好人呀,街坊式推介野食之餘又比我地慢慢諗,好食既食物可能好多地方都食到,but親切感唔係到到都食到呀ha(晨早流流之下特別注意左人地的態度),and食食下野時有隻肥肥地疑似大肚既貓係個櫈底到捐來捐去kawaii~!!!!!!!!!!!!摸一摸佢個頭佢又會縮一縮看看你~好可愛~~~~~~!
上環市政大廈2樓17號舖
感謝 味之素 提供以上資料
個人日誌: http://moritatintin.blogspot.hk/
瑞記咖啡
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)