男友嚷著要到上次吃的深宵食堂再吃八爪魚腸仔，所以預早約了在新店吃飯~ 這裡其實都不難找, 而且厚福街一向多好野食~ 入到去見到寫住「尖咀編」都幾搞笑

菜單也和銅鑼灣店大同小異~ 

奇怪的是我們7點半嚟到, 竟然無乜人, 就只有我們兩個和老闆們的朋友.... 這裡有bar枱位, 有正常的, 也有戶外茶座的~





這客煙肉荔枝卷每次來都能保持水準，煙肉燒得香口，又不會像all day breakfast 嗰啲完全燶掉，而內裡的荔枝也不會令人覺得唔新鮮，非常令人回味的一道菜。

不過呢一客黑松露鵝肝什菌石窩飯$118就令人有點失望，

本來成2塊咁多嘅鵝肝，仲要咁大，可惜質素麻麻，黑松露味道完全走哂，而鵝肝雖然都炸過少少，本來我都拎開佢食左啲飯先，但係店員話其實係要整碎佢撈埋個飯食...呀.............. 點知撈埋真係好「羶」.... 我成碗飯都食唔落。T.T 

好彩跟住嚟嘅汁燒白鱔$68 挽回不少分數，條白鱔燒完都唔腥，而且肉質好結實，不要錯過個鱔皮，好脆口同香，真係值回票價。

男朋友一定要食這蜜燒八爪魚(雞肉腸) $32，貪其與原著同出一轍，我喜歡店方用這軟軟的雞肉腸，吃起上來還有蜜糖淡淡的甜味。

另一川式茄子$68在這有點日式的地方出現，可以說是和漫畫中吃意大利麵差不多奇怪，不過幸好燒得軟軟，而且辣粉也下得夠，我輕易把整條也吃掉。

這客軟軟的燒芝士年糕賣相也很可愛，店方把它切成一半，方便入口，微微的芝士香加上年糕的煙煙韌韌，不錯~ 

8吋蒜蓉大虎蝦$98值不值還真見人見智，因為759阿信屋都要賣六十幾蚊一隻，咁佢燈油火蠟又其實算合理，蒜蓉份量下得恰到好處，蝦頭的蝦膏金黃，奶白色的蝦肉入口嫩滑。

這客京蔥雞肉串$28姍姍來遲啊~ 可能吃過以上咁多好東西，就覺得這京蔥雞肉有點失色，不過我喜歡吃京蔥，只是沒預它是用汁燒，幸好還是很多京蔥肉能吃到~ 雞肉就普通了~ 不能說很滑，感覺有點雪藏雞。

總結：呢度真係越夜越多人! 朋友叮囑我訂位時，我嚟到都覺得佢fig我, 但係當越坐得耐, 就越多人! 果真是深宵食堂~

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================