有人說辭了職的人最好，因為什麼負擔也沒有，的確! 這天和幾位朋友吃飯，就是為了我不入地獄誰入地獄的下一份工作而薦行(即係同我而家份工farewell~) 可能沒有下次，我一於食盡佢嚟到呢間個名普通到嘔嘅串燒店吃飯。

其實我嚟到都已經8點，唔知係唔係平日關係得戶外一枱客~ 

室內就只係得我地!

話說這個order紙的設計好面熟..... 好像是肚餓鳥那裡的設計一樣，難道這裡也是它的姊妹店? 

不過這裡大多是海鮮~ 而肚餓鳥那裡的黃金薯條，在這裡也變成了芝士薯條。



話說這店沒有說明自己是日式或是川式~ 所以應該係港式  

呢碟生蝦配泰式醬汁 $58，初頭覺得個賣相麻麻，而且我想係泰國餐館先食，但朋友們點左就食啦~ 

其實佢做得比泰國餐館都好食，起碼唔會個蝦係冰哂咁，而且個醬汁都好好味，唔食得辣嘅就唔好食，因為都幾辣，不過佢能夠整到咁嘅水準，算係唔錯~ 所以餸不可貌相~

而呢個雙重芝士燒薯條$32 就麻麻，因為焗到出嚟嗰時，個樣都幾膠~ 好似打左層蠟係面咁~ 食落表層芝士味好淡，再搵下面嗰層嚟食，都係得啲好淡嘅芝士味，唔....有啲失望嘅~ 

我怕我自己到最後會飽到食唔到烏冬，所以而家叫左先~ 其實呢個贊歧手打烏冬配芝麻沙律醬$38整法真係好簡單，但你係屋企就係唔會咁整嚟食囉~ 其實佢個碗可以再深少少，因為烏冬撈要啲位~ 

個烏冬嘅麵食都算煙韌，而且芝麻沙律醬都唔會太多，佢都算係一個冷烏冬嚟嘅，味道唔錯，特別係夏天食有消暑作用。

朋友叫左我爸爸嘅最愛燒魷魚釀糯米飯$78，個魷魚唔算係好大隻，所以有感啲糯米飯好迫咁，我寧願佢唔好切碎個頭，上枱嗰時會靚仔啲~  因為而家上枱真係有啲似發大左嘅瀨尿蝦~ 

另一令我覺得呢度係肚餓鳥嘅姊妹店原因，就係因為呢度都提供左幾款唔同嘅自家制調味粉俾客人，有黑椒碎、孜然粉、味鹽同埋米椒辣粉，呢個平平無奇嘅魷魚筒，如果加左米椒辣粉食，一向嗜辣的我，突然間覺得好吃了十倍~ 這種米椒辣粉辣得來到最後還能有種喉嚨噴火的感覺~ 

這2隻秘制醬汁燒鮑魚$98 嚟到嘅時候，真係有驚艷，後悔只係叫左2隻，因為燒得好似甜，好似蜜糖係面咁~ 而且鮑魚都厚身，口感爽滑~

文章的名字，就是從這隻黑松露牛油大凡立貝 $68而來，單係佢嘅size已經甚具視覺效果~個凡立貝有我掌心咁大啊~ 好恐怖啊~ 

而且黑松露我真係懷疑佢落左半樽落去..... 真係好多!!! 不過可能因為黑松露的質料不太好，所以黑松露味道迅間被蒸發。凡立貝的橙色肝臟像法國鵝肝一樣，非常香口，而凡立貝肉亦相當厚身，不算燒得太老，$68其實真係物有所值!!! 

這客黃金蒜茸香燒原條茄子$45我好喜歡，比起深宵食堂還要厚肉得多，完全是個大肉茄 ! 蒜茸像軟泥般灘在這肉茄上~ 不錯呢~ 

而且每一片也能輕易撕出來，完全不痴皮~ 吃下去有時也分不出軟泥般的蒜茸還是茄子~ 

總括來說，這裡的東西大部份都水準之上，價錢也合理~~

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================