10月之星生日飯,友人提議去九龍城的OSLO,出名是多士盒,大家都好想試下呀,book了7:30,5位,適逢哈佬喂時節,店面有不少嘩鬼的佈置。
裝潢以木色作主調,木頭及白磚牆身,暖色的燈光,感覺柔和,給人舒適的感覺,牆上有不少畫作,木架上有飾物及精品呢。
熟食都好吸引呀。
士多啤梨奶昔,$58,透明杯子裡的排列了一片片的士多啤梨肉,賣相十分美觀,淡淡的士多啤梨香,唔會太甜漏,蠻有心思的飲品,不俗呀。
友人的咖啡,個人喜歡拉花,於是影了。
蜜糖雞翼,$38,有5隻,剛好呢,香甜惹味,幾好食呀。
蒜香雞翼,$38,濃郁的蒜味,好香口呀。
煙三文魚沙律,$68,正常水準。
玉子野雜煙肉卷,$68,賣相十分吸引,香口的煙肉包住了野菌粒及玉子,一切開,澎湃的蛋汁湧出,口感豐富,好滿足呀。
牛肝菌汁鮮野菌意粉,$88,意粉軟硬適中,味道濃郁,醬汁多,幾好味呀。
鮮忌廉煙三文魚意粉,$108,煙三文魚鹹了一點,白汁不太漏,都不俗呀。
石板街多士盒,$88,賣相好靚呀,上層是朱古力的系列好豐富,方碟上畫了心心,花心思呀。
多士盒呢類甜品最近真係試唔少,不過呢個好特別,用的不是方形麵包,是用丹麥酥,好易切開,入面是金黃色的多士粒,口感十分鬆脆,朱古力雪糕浸透了多士粒,真係好美味呀。
有賣相有水準,而且看得出花了不少心思.熟食不俗,甜品好味,下次想試下馬卡龍的多士盒呀。
九龍城南角道15號地舖
Oslo
旮旯 The Glock
旮旯 The Glock
Italian Tomato Café (馬鞍山店)
T.O.P.商場地庫
La Famille (海港城海洋中心店)
滔滔甜品(井財街)
JUICY Fresh Juice Bar