如果唔係我自己試過將粉掌分枝分盆，都唔知其實佢地係點成長既。
後面果棵係母株，前面果棵係佢既下一代。
咪以為佢地仲細呀，自從我同佢入住豪宅後，真係青出於藍，仲開出四朵花黎添。
睇返母株呢，兩棵主體先得三朵花。
![]()
當花蕾剛爆出黎果陣，係淺粉紅色既。
大大下就變成深粉紅色
跟住攤開晒成朵花，中間花柱係比較深粉紅色既。
到佢開始變老，花柱就反而會變青。
到成枝青晒，主花瓣都會開始變色，由粉紅漸變青色。
跟住就步入晚期，花瓣變薄、變淡啡色。
到最後，就會凋謝脫落。整個過程可以維持好幾星期，如果你種得好，下一個花蕾亦差不多上場。
如是者長年開花，每朵花都可以維持好幾星期。我習慣一星期淋兩次水，好幾個月先放少少南瓜籽殼磨成既粉同少少有機羊肥，已經長得好唔錯。
話說有次我係自己位都種咗棵BB，果輪唔知點解有蟲患，成日有蚊滋仔(烏蠅仔)飛黎飛去，我就耐不耐就拎棵野黎研究，捉下蟲咁。
阿仔見我一日睇棵野好幾次，忍唔住話:你梗係好鍾意棵野啦。(其實我係度拍烏蠅)
後尾我悟出一個好方法: 既然D蚊滋係在泥土上生長既，咁佢地始終會由蛹變飛蟲架。於是，我就用封箱膠紙封晒個花盆口，只係主幹中間留返少少位淋水用，咁佢地變成蟲時，一飛就會粘住係膠紙上，不能繼續繁殖。冇幾耐，真係冇晒蚊滋仔喎，咁我就撕走D膠紙，從此就天下太平。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
