沾麵Risotto

2102年登陸香港的富士山55, 在日本已經有50年歷史, 最初以沾麵打嚮頭炮, 至今天仍是以此為主打菜式. 不知閣下對沾麵有何意見, 我就覺得, 沾麵類似香港雲吞麵店的"撈麵", 當然味道和做法有差異, 但都是差不多的意念, 是用原有食材, 整色整水, 不需太多成本的創意新菜式, 現代的消費者, 就是喜歡整色整水麻....哈哈...... 沾麵的湯底易凍, 食得慢, 味道變差, 所以此店也是第一間提供電爐加熱的拉麵店.

海膽味道, 豐腴甘甜, 配上沾麵, 是人生的第一次, 老實說, 海膽配白米飯, 仍是我的首選, 但間中一次半次的新嘗試, 也是特別的口味體驗, 沾麵之濃味, 海膽之濃郁, 兩"濃"的雙重享受, 絕對帶來新鮮感.

海膽的份量, 比想像中多, 做生意, 夠豪, 成本自然高, 但客人也不是傻仔, 食過翻尋味, 一定會再幫襯. 每碗的海膽份量, 如果在超市, 價錢也值四十多元, 還有放面的三文魚子, 粒粒晶瑩通透, 入口一咬, 卜卜爆開, 鹹香的魚子汁在口中, 與海膽是最佳配搭.

如果你好似我一樣, 全日只食了一個早餐, 之後無嘢落肚, 那便可以再來一客芝士飯, 這客芝士飯, 只需要廿蚊, 因為是用回那碗沾麵的湯來製造的. 食完沾麵, 剩下的濃湯, 加入芝士和珍珠米, 煮它一煮, 是日式和義大利risotto的crossover, 絕不會令閣下失望.

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================