7 「Nice to meet you 隱世武士」

大家好，唔知你地食拉麵有無試過行入尖沙咀柯士甸路個邊呢？ 

我呢個拉麵控，好鍾意四圍試下不同店子既拉麵。襯住星期六放工去食番碗：）

第一次黎到這間小店，座位不多，大概8-9個座位。

睇睇menu, 拉麵有8款，價位由$88-$108，拉麵名稱全以將軍命名 XD




我呢碗係「豐臣將軍拉麵（四國香蔥油湯底）$98」淨豬骨湯麵食得多，呢碗加左香蔥比較特別，蔥花很新鮮，味道發揮得好香，如果鍾意食蔥既朋友，就好岩你喇，豬骨湯頭濃，有一點點黏咀感～




叉燒要讚一讚，厚得黎好鬆化，肉質位置帶油脂位，肥瘦恰好，加埋面頭灑上粗胡椒粒，I like! 




麵質方面，屬幼麵質，湯頭容易掛麵，唯一要改善係糖心蛋個汁偏咸，有待改進。






另外，老公呢碗係「織田將軍拉麵（鹽味豬骨湯底）$88」湯底係用煮干魚及豬骨而成，飲一口湯已經感受到魚個鮮味，我地異口同聲讚不絕口，good! 會係我「After Eat心水推介」^_^





另外，呢到個拉麵胡椒來自日本，必試，超香！其次，可自行加脆蒜或魚油。








食拉麵，加$8 有蜜蜜飲系列一杯。





店內有茶供應，很少有免費的茶，茶味這麼濃。





這裡湯底及拉麵質素的確令人驚喜，分享至此，下一篇再見，推介你們一試：）

============================================

感謝 Yan_PIG 提供以上資料

Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong

============================================