佢朋友圈之間，總有一個群組會特別友好，只要其中一個成員問一聲"今晚得唔得閑食飯？"大家係忙碌之間簡單回覆一句ok，咁晚餐就成團啦！另外，仲會有位朋友馬上諗定去邊到食好嘢 (嗰個就係我啦 哈哈) ，之前見過有一班藝人嚟呢到食火鍋宵夜，見一人一鍋都好吸引我，所以就打去book枱啦！



枱上面有電磁爐，放一人一鍋， 我哋坐定定就開始揀想食咩啦！

由地鐵站行到火鍋店，好容易就搵到，由門口行入嚟左邊會放凍肉、蔬菜及調味料，另一面就有汽水飲品、蔬菜、粉麵等，再行入啲係餐枱，枱上面有電磁爐，放一人一鍋， 我哋坐定定就開始揀想食咩啦！

由門口行入嚟左邊會放凍肉、蔬菜及調味料，另一面就有汽水飲品、蔬菜、粉麵等

晚市套餐，店員都為我們逐一推介，有台式麻辣、北海道牛奶、養生蕃茄都係佢哋嘅招牌菜，每個鍋都有代表佢嘅卡通公仔，1份湯底+1份肉類＋其他配料任飲任食＋1份雪糕甜品，價錢由$198-348。

每個鍋都有代表佢嘅卡通公仔，店員都為我們逐一推介
店家仲提供台灣啤酒，有多款水果口味，飲落甜甜的，去完台灣錯過咗嘅朋友可以嚟試下喔！

我就揀咗壽喜燒湯底，比起其他餐廳唔同，店員會準備好材料，係你面前製作呢個湯底，首先加入牛油及將洋蔥炒好，然後再加入醬油湯底，令味道更香濃，過程中已經散發香味。

壽喜燒湯底 - 店員會準備好材料，係你面前製作呢個湯底

壽喜燒鍋＋雪花肥牛$198
喺多種口味中，選擇少有嘅壽喜燒鍋，因為係日本食過一間火鍋放題，就喺用壽喜燒湯底，食落甜中帶咸，亦好開胃，加上湯底越煮越濃，味道豐富，店家嘅美國雪花肥牛，可以話係七分肉三分雪花，十分好的比例，牛嘅油脂香味徘徊係口裏面，唔好煮咁耐喔，之後加上生雞蛋，攪拌一齊食，零舍嫩滑。

餐廳中嘅蔬菜，丸類及其他配料都可以無限添加，鍾意食蔬菜嘅朋友就啱晒啦，而且種類豐富，都保持得好乾淨，特別有依家好興嘅紫薯，蘿蔔片切得好薄，方便煮淋，大葉嘅蔬菜可以吸收湯底嘅油份，令我吔繼續大吃特吃。

之後再追加新鮮帶子同生蠔你哋睇吓粒帶子幾厚身，同好有光澤，煮到半熟就食得，味道都好鮮，而生蠔煮完之後都冇縮水，而且吸咗湯底嘅甜味，更加生蠔嘅味道。

中學時經常做聚會搞手，總會遇到一啲朋友仔會常常追問“有邊個會到？幾多人去架？“其實到最後，呢位朋友都可能唔會嚟，但作為邀請佢嘅人，我就會覺得呢啲問題好煩厭，有興趣得閒就嚟聚一聚吧〜 反正我們志不在有邊個會出席，大概齊人都會好開心，而係想見下大家，了解下近況，再傾唔夠就去食糖水繼續傾，大家身邊有班咁嘅朋友嗎？我一路寫，腦裏面就浮現出來 ：）最後套餐中會送嘅Häagen-Dazs雪糕，再飽都要食埋喔！

一鍋 - 台日式精緻小火鍋專門店 iPot - The Shabu Shabu Expert
星期一至日: 12:00-15:00, 18:00-00:00
天后琉璃街11號地下
Tel: 2111 1241

============================================

感謝 mohkc 提供以上資料

mohkc 的網誌: http://www.openrice.com/zh/gourmet/reviews.htm?userid=717759&city=hongkong

============================================