7 放題狂迷

唔知由幾時開始我跟車爸爸都喜歡上放題,而且大部份的放題店我倆都試過,近年更新興埋日式燒烤放題添,愛吃肉的車爸爸蠻期待吃呢,做妻子的我便揾間風評不俗的跟他撐檯腳啦~

在食評網找到這間尚鮮日式燒肉漁市場貪其有車爸爸愛的肉肉,又有我愛的海鮮嘛!!

我倆被安排坐卡座,寬敞又舒適,星期日的晚市都座無虛席,非常旺場呢!!

飲品都係汽水,綠茶等,採用自助形式去雪櫃喜歡邊款取邊款,最讚當然係供應可口可樂啦,我這可樂迷真樂透了^0^

甜品都係自助式放在凍櫃內,有泡芙,和菓子,奶凍等這樣擺放更見衛生,吃得放心~

尚鮮放題收費係{星期一至四$268/位,五至日$298/位}坦白講銅鑼灣區來計不貴,不過講咗今晚我請車爸爸食飯那就不用客氣喇,額外叫多三樣收費海鮮請老公食Yeah~

先來長過車爸爸手掌的{大虎蝦}$88/3隻,相也未影他已取了一隻去燒,你話多誘人啊!!燒好後的大虎蝦肉質地彈牙,味道十分鮮甜,而且還帶膏,很值得額外加點呀^0^

{新鮮日本生蠔}$68/半打,外型飽滿的生蠔,看見已口水流,但店方不建議生吃架~生蠔都很新鮮,但鮮味不算十分濃烈,可幸質感也算不俗~

{龍蝦尾}$128,鋪滿芝士牛油的龍蝦尾肉眼也看得到新鮮,好期待幹掉你喔!!

連殼龍蝦尾燒至焦香,附上味道亦吃得出鮮甜龍蝦味,肉質又細嫩好好味呀^0^

嘆完一輪海鮮,吃點熟食先,{味付螺肉}從來係車媽媽偏愛的前菜,汁醬香甜配襯爽口螺肉真係回味無窮架~

話比大家知尚鮮的壽司,卷物確有一手,琉璃蝦壽司,鰻魚壽司,帶子壽司,左口魚壽司,赤貝壽司及花之戀,全部都十分好吃,魚生用料夠新鮮,壽司飯軟糯不散,師傅功夫很不錯呢^0^

最最最推介這個{辣味三文魚軍艦}紫菜夠脆,辣味三文魚香辣夠勁,真的吃到我心心眼呀^0^

再點少許刺身食先,三文魚,北寄貝,八爪魚,鯛魚,甜蝦,帶子,榮螺,希靈魚,刺身質素不過不知啦,最有驚喜係八爪魚頗具鮮味,質感很好沒像一般放題的擦子膠貨色~

呢個{榴槤炸彈}上次喺御滿屋吃過後便念念不忘,原來尚鮮也有供應呢!!

這個榴槤炸彈那份酥脆香甜真的傾國傾城,熱辣辣既香濃又軟糯,令我這榴槤迷醉倒了~

吃燒烤叫蘿菠燒是常識吧!!經過火燒味道更加甜蜜,我足足吃了三件呢~

好喇係時候食燒肉啦!!第一輪點了安格斯三頭肌,安格斯牛小排,麻辣板翼,魚片頭,尚鮮一口牛,雞球~牛肉我評不了,車爸爸評為好吃,富牛味質素挺高喎~

一個不留神將{魚片頭}燒到焦焦哋,不過又幾香口幾好味噃^0^

{麻辣板翼}用上單骨雞翼吃時更加乾淨俐落,雞皮經火炙後香氣超然,點點麻辣味更添惹味~

海鮮點了虎蝦當然沒有大虎蝦那麼巨啦!但其實也有中蝦size架,另外原隻帆立貝亦十分新鮮厚肉呢~

第二輪燒肉車爸爸Encore了一口牛和牛小排外再試了QQ肋肉棒及韓式肩胛梅花,他也吃得得愜意呢~而我叫了西班牙五層肉及冬陰公爽口~

而我最喜歡這片{麻香蓋片}醃得香香的,質感柔軟十分好吃^0^

而這片西班牙五層肉,豬肉味香而不羶,咬口超足,亦是心水之一啊^0^