旺角。大和豚総本店(Yamaton)

6月25日(星期六)~前一晚老闆有飯局..依日9點幾都起身lu

天氣好熱..掙扎緊出唔出去食早餐~因為晏d要出旺角攪野

出兩轉..一來一回又用唔少時間~咁問問老闆又話唔想出喎

咁係屋企搵d儲備..簡單整早餐食算囉~hea到黃昏先出旺角

原本晚餐佢想食西餐~不過天氣熱..西餐又好似好肉膩感

胃口唔好..我唔想食咁多肉~上網搵搵..最好係旺角攪完野

近近地..係附近食算囉~見佢又咁like火鍋..份量都易控制

咁問佢食火鍋好唔好? 佢竟然話..又食? 上星期先食完喎?!

我話..你like呀ma~要食到你話唔想再食火鍋為止(佢話我好毒喎..哈)

* * * * * * * * * *

晚餐@大和豚総本店(Yamaton)~食店環境幾好feel..地方乾淨

飲品"薄荷青檸 x Corona" & "粉紅西柚 x Corona"($48/杯)

老闆果杯薄荷好清新+唔太甜~青檸&薄荷葉份量仲好多

西柚既甜度較高..但幾開胃+冰凍~份量大杯..抵飲!





老闆揀個"美人豚骨膠原湯鍋"





標榜以極上豚骨/骨膠原先熬煮8小時

再凝結一晚至晶瑩膠原啫喱(美肌之選)





湯鍋配上食材~有4款選擇 :

1.上級豚腩片($256)   2.美國牛肩肉($296)
3.上級豚腩片配極上牛小排($276)
4.五品特式盛合(豚腩片,竹筒免治豚肉,海老,帆立貝,野菜)($318) 

我地揀"五品特式盛合"($318)





"豚腩片"..約12片重疊既長豚腩肉

份量都好足~肉質鬆軟有肉香..口感唔錯

"竹筒免治豚肉"..口感似無蝦雲吞餡

肉味濃..口感少鞋~依個我ma ma地like





"帆立貝(x5)"..同一般超市買急凍既分別不大





"海老(x5)"..肉質新鮮~有鮮蝦味





"野菜"..有芽菜,旺菜,生菜~連埋湯鍋既蔬菜..份量好多





湯底味道濃郁帶少鹹..有微微膠質感~食完唔算好口渴

另叫"珍珠米白飯($18/碗)"~整體食物份量都足夠飽

食物水準唔錯~火鍋仲有幾款選擇..款式幾特別+得意

仲有鐵板,定食,壽司等選擇~服務好有禮貌(總消費:$476)

============================================

感謝 Yanomi 提供以上資料

Yanomi的網誌: http://yanomichung.blogspot.hk//

============================================