偽文青VS偽OL‧ABSOLUTE NEW YORK 彩色調妝容

又係化妝時間：）

今次決定扮下偽文青同偽OL，玩下眼影色。

紐約時尚彩妝品牌ABSOLUTE NEW YORK，岩岩已經係香港隆重登場啦。

首度推介第一火熱主打ICON Eyeshadow Palettes，一共有三款眼影盤，每款各有12隻閃耀色彩，容易配搭唔同既妝容。

今次就同大家試其中兩盒，分別係NOIR GARDEN同TWILIGHT (HK$149@)。

上面係主打清新感既NOIR GARDEN，以鮮豔且明度偏高既顏色為主。

而TWILIGHT就係深淺分明，好岩用黎做混血妝容。

每一盒ICON Eyeshadow Palettes都有套非常夠用既鏡面，同一枝雙頭眼影掃，方便帶出門都可以隨時轉妝，我好推薦去旅行可以帶住佢，想轉唔同妝容都得。

眼影掃既Size亦唔錯，用黎掃上下眼影都無問題。

底妝＋素眼已經準備好，即刻開始。

先黎個偽文青妝，用左同樣係大地色調既綠色做主調，比起化啡色黎得清新之餘又有多D新鮮感，而且綠色調其實都幾岩亞洲人既膚色，好有顯白效果架。

B：Base打底

H：Highlight放係臥蠶位

M：Middle Tone搽係合埋眼既眼珠位置

D：Dark Colour加深眼尾輪廓，兼填返下眼尾既三角位

L：Eye Liner當眼線咁貼住睫毛邊緣畫

鐘意佢顯色又影Blend，閃爍度好夠，而且顏色既還原度好高，雖然有少少飛粉，但每次用之前彈走多餘份量就解決到，成個眼妝不單止帶出深遂感，感覺仲好清新添。

另一個眼妝就女仔感覺重好多既，以粉色做主調，帶出女生感，但又唔會太小朋友，返工人緣都好D啦XD

B：同樣搵左隻淺色Base打底，盡量白D，咁一陣上既粉紅色就出D啦

H：Highlight揀左隻香檳色放係臥蠶位，女仔得黎唔會太小朋友感覺

M：Middle Tone搽到雙眼皮位置，再係眼尾加高少少，咁眼仔就唔會腫，開眼又見到粉紅色

D：Dark Colour我用左兩隻唔同深淺既紫色填返下眼尾既三角位，做返少少層次無咁娘

加埋對假眼睫毛就完成啦。

粉紅色眼妝最大問題係好易變色、甩色，隻粉紅一唔同左就成個感覺都爭好遠，而ICON Eyeshadow Palettes持久度就好令我滿意，成日都不脫色兼無變色，Keep到成日都係靚靚粉紅，價位亦都幾抵，$149@除開一隻色都係十幾蚊，唔怪得之係紐約彩妝界備受曯目啦!

韓國人氣女子天團 — 少女時代成員金孝淵仲係香港、台灣及韓國地區代言人，如果你都喜歡玩下妝，呢三盒ICON Eyeshadow Palettes就應該滿足到你啦：）

***

ABSOLUTE NEW YORK 最近在九龍灣德福廣場設立Pop-up store，除咗可以一同感受紐約的時尚彩妝魅力外，由即日起至9月25 日任何顧客帶使用過或舊的眼影盤(4色以上)，更可以優惠價$79換購「絕色紐約ICON 12色眼影盤」1盒，價值$149。每日限量50份，先到先得，換完就無嫁啦！

另外重有其他精彩優惠等住大家，詳情大家可以到ABSOLUTE NEW YORK的Facebook專頁了解更多。

Pop-up store仲有特別活動可以俾大家參與架!