以水為基礎之簡便卸妝@Bifesta

畢竟卸妝潔面係護理肌膚既第一步，事半功倍幫肌膚昇華啦!

高效眼部卸妝液 HK$52/ 145ml

專為防水眼妝而設既卸妝液，以水溶性及油溶性雙重卸妝配方，無需搓揉即可輕鬆卸除防水妝，溶解頑固睫毛液，眼線及唇妝。

成份中更特別加添維他命B及E，輕柔呵護細嫩，脆弱的眼部肌膚及睫毛，用後更帶出水潤感覺。

使用前記得先搖勻，晶瑩既卸妝液會閃閃亮架：）

今日個眼妝比日常化得仔細，由眼影、內外眼線到睫毛液都做到足，但化住妝跑黎跑去捉小精靈，個眼妝已經有D溶XD

直接將卸妝液倒係化妝棉上，敷係眼部幾秒，再輕輕一抺...

眼妝已經徹底溶解哂啦，用後仲無需過水，一張化妝棉已經夠卸除眼妝，潔力唔錯，感覺遺溫和唔「嗱」眼：）

BIFESTA速效卸妝潔膚水系列共有4款選擇，每款都有不同的功效。

速效卸妝潔膚水 (清爽型) HK$59/ 300ml

速效卸妝潔膚水 (亮白型) HK$59/ 300ml

之前一直都用開清爽型，今次就用亮白型，因為係韓國唔覺意曬黑左少少：）

另外仲有保濕型MOIST強效滋潤嫩肌 同埋 緊緻型 ENRICH 提升肌膚彈性。

用起黎既感覺其實同一向用開既清爽型差唔多，一底妝一向都係遮瑕加碎粉，所以輕輕一抺基本上已經乾淨哂。

但安心D，我都會用多張，全面再抺一次，但通常張化妝棉已經唔見到粉底色架啦：）

兩張化妝棉就卸好成個妝，輕鬆：）

速效卸妝潔膚紙 HK$49/ 46pcs

配合角質軟化成份及保濕型維他命C，溫和地去除黑色素囤積的老化角質，同樣係令到用後肌膚淨白剔透既卸妝產品。

潔膚及化妝水三合一功能，好岩運動前，旅行或外出工幹時用。

設計好方便，蓋子保鮮力充足，潔膚紙唔會乾，每次抽出一片潔膚紙，用起黎夠哂方便。

潔膚紙很夠大張，唔會濕到滴，但唔會乾爭爭，潔力都係唔錯既，無用睫毛膏既話，一張就夠卸哂全妝。

私心秀一下品牌送上的毛巾，綉上了代表我的Y字，非常喜歡♥

BIFESTA https://www.facebook.com/BifestaHongKong

「產品及有關資料由品牌提供」