9月30日係YSL Beauty NIGHTOUT Party千人派對，係全港最高既Sky100舉行，我地一齊進入呢個三百米高空既漆亮黑膠世界啦！
場地完全高科技數碼化，由高速電梯一上100樓既會場，見到自己個名係走廊到Show左出黎，仲有語音Welcome你，驚喜滿分>////<
點解條走廊呠醒目識認人既?!
因為參加者每人都有一條NFC數碼手帶，派對既片段、相片、互動等都好似嘟八達通咁，一嘟就收到，除左走廊認到你之外，仲可以即時開心Share，揀左咩色唇膏，整左點既主題曲CD，同靚仔Model齊齊打碟，全部都即時係FB／IG放閃啦！
去Party第一件事緊係要換返個Party唇色啦：）
全新推出既YSL VERNIS À LÈVRES VINYL CREAM彩蜜唇色漆亮系列，搶先試試先：）
MUA幫我揀左#408 Corail Neo-Pop，係帶橙既珊瑚色調，好搶眼又夠Juicy，成個氣色都提升左，係漆黑既派對會場都非常吸晴！
我地三個人，三款唔同唇色，大家各有特色，但一樣對YSL VERNIS À LÈVRES VINYL CREAM 彩蜜唇色漆亮系列讚不絕口，唇膏質感就好似當日派對既主題--黑膠唱片。
乳霜般完美既質感就好似黑膠唱片既洪宏飽滿音質，加上將唇蜜、唇膏及唇彩集於一身，令外表漆亮光澤，做好準備好迎接水漾光感既唇妝世代啦！
當日請黎馬尼拉著名DJ女子組合Zombettes同本地獨立搖滾樂隊Chochukmo (觸執毛) 現場表演，強勁既節拍帶動現場氣氛，背後大螢幕Loop住Tag左#YSLBEAUTYNIGHTOUT 既來賓實況照片，隨時係大螢幕見到自己／朋友既分享，互動性極高：）
當日既高潮當然係Sammi啦！距離我兩個身位，興奮到我完全唔記得舉機>.<"
好在都影勉勉強強影到張放下閃XD
#PLAYTHEVINYL既一晚：）
當然要帶YSL VERNIS À LÈVRES VINYL CREAM彩蜜唇色漆亮系列返屋企啦：）
♥ VERNIS À LÈVRES POP WATER PLUMP-UP 彩蜜唇色水漾豐盈護唇蜜 #200
♥ VERNIS À LÈVRES VINYL CREAM彩蜜唇色漆亮系列 #403 Rose Happening
♥ BLACK OPIUM 香氛
全新YSL BEAUTÉ 彩蜜唇色漆亮系列有成12款大膽漆亮光澤散發持久的釉彩光芒，集唇蜜、唇膏及唇彩於一身，提升三倍的色彩和光澤度猶如黑膠唱片般的漆亮光澤，刷頭尖細既設計，搽起黎更加得心應手，仔細度UP+++
唇掃扁平的一面從上下唇角掃向中央，輕鬆勾畫漆亮櫻唇。
尖銳掃頭點用黎畫兩邊唇峰既尖端位置非常合適，突出唇形。
乳霜般的舒適質感，非常顯色，飽和度高之餘夠貼薄，唇部感覺舒適，而且一D都唔黏嘴。
顏色係嬌豔欲滴既粉紅，粉嫩得黎甜美，非常適合輕熟女既色調。
其實#200係唇部底霜黎既，日常搽嘴嘴之前單用，保濕又豐唇，但我今次用左黎加強唇部立體感，配方蘊含薄荷萃取物與熱感活躍成份，冰涼效果與溫暖熱度形成強烈對比，刺激唇部嫩肌，放係唇部中心位置，唇部線條更顯豐滿立體，仲更加Juicy添：）
最近已經變成我既隨身，大愛中♥
產品詳情請瀏覽 YSL 網頁： http://www.yslbeauty.com.hk/tc/
「產品及有關資料由品牌提供」
累積瀏覽 521860
全部攻略 1065
全部回應 167
天際100
釜山水族館
Thormork 冰島高地
六義園(東京)
中環街市
珠璣巷
數碼廣場
G-fit