7 *膽*大包天

車媽媽係海膽狂迷，平時行過手卷店也要買件嘆吓，有一天車爸爸話富士山55出了一個我必定喜歡的海膽沾麵?，話要請我去食喎！那就不客氣喇哈哈?。

呢期店家推出了兩款非常爆的沾麵，這天到來店内座無虛席外，店外還大排長龍呢???！

可幸車爸爸早到攞了位，我到來時已經可以舒舒服服坐底食麵喇。

今次就是為了這個特濃雙色海膽沾麵而來，廣告上的樣子很味美呢，好鬼期待喔?！

食麵前點了枝{日本草莓梳打}?$23，超香草莓味而且味道很真實，甜度也不高好好飲呀。

我的{特濃雙色海膽沾麵}$298?，與廣告賣相沒落差，配上海膽煮成的海膽豬骨沾麵汁同上，雙色海膽分别係韓國佳麗和加拿大佳麗，鋪至滿滿的在拉麵上，還襯以大量的三文魚籽及半顆流心蛋及荀條，好華麗的排場啊。?

先品嚐加拿大海膽，身型較為豐滿，吃下味道濃香，但質感不算十分滑溜， 而韓國海膽質感會較為Creamy，兩款海膽味道都可以，但我反而比較喜歡漲卜卜的三文魚籽，粒粒肥大晶瑩，咬爆後鹹鮮可口，加埋那隻流心蛋都真係幾吸引㗎。

而呢個特濃海膽豬骨沾麵汁，味道就超濃稠，緊緊的纏著我喜歡的特硬拉麵，吃下味道超濃香，但係就重口味咗DD！吃到汁凍了檯面有電磁爐可給翻熱，最喜歡這貼心安排。?

邪惡的車爸爸梗係食呢個{鵝肝牛魔塔沾麵}$168/150g，這款可以選150g，300g同800g不同的分量的麵，大食的車爸爸本來想叫300g，但被我阻止了一陣間話比大家知點解？

而沾麵汁可以揀{芝士蕃茄}，{黑松露}車爸爸選擇了後者，他說沾麵汁十分香濃，我試了一口確係充滿黑松露香氣，不過他說用嚟配牛肉食就有啲蓋過咗牛肉味了！

厚切鵝肝看上去質感嫩滑，車爸爸吃過後亦都覺得味道不俗，油香亦都十分充足，如果係熹熱辣辣煎起就更吸引了！

為何我要按停車爸爸爸叫300g麵，因為我一定要食這兒的雜炊+$20，記得上次來吃是哪個辛辣湯底煮的雜炊留下美好印象，今次必要重溫。

飯同芝士已經預備好了，我選擇了海膽沾麵汁來烹煮這份雜炊。

店員快手地跟我們煮好這碗海膽芝士雜炊，一口吃下味道恰好，沾麵汁加入飯後鹹度得以平衡，加入芝士香味吃得我十分滋味呢?。