7 荃日食??

昨日回娘家前跟車爸爸去了劉總介紹過這間銘陽車仔麵吃午餐，估不到也十分有驚喜喎！

開業不久的銘陽車仔麵店內裏十分之乾淨企理和井井有條。

清晰地展示所有餸菜，由$8~$12價錢唔算超平，不過份量亦很是所以我都覺得很抵食，我曾經在尖沙咀某車仔麵店吃了一碗近百元的車仔麵呢?！或許這樣我的接受能力係比較高haha~

沒有選擇困難症的我好快便選到自己喜愛的美食，我揀咗油麵$10不知為何每次吃車仔麵我都係喜歡吃油麵，醬汁則點了秘製麻辣醬。

飲品我選擇了最愛的可口可樂$7，而車爸爸就加咗$9配台式熱奶茶一杯(原價$14)，一上檯真係比佢嚇就您哋睇幾鬼大杯，聽他講味道都也算不錯呀！

我的車仔麵以送上到了，我選了滷水豬大腸，豬皮，同埋坊間已經甚少會造的上湯有皮，未撈麻辣醬前先喝口湯，有鮮味的湯頭不會過俗，喝罷不覺好師傅我喜歡。

餸面上那堆是麻辣醬吃下辣度十分刺激，可惜我覺得唔夠麻香，而且麻辣醬放在湯內變得十分油膩，這問題真的要改善一下了?！

油麵質感幾煙韌，唔會淥得過淋，這咬口我喜歡。

要隆重介紹這兒的{上湯柚皮}$10，揸水做得十分足夠沒帶半點青澀味，纖維亦都炆得完全融化，而且用上湯餵得十分入味但又唔會過鹹，我表示十分之滿意?。

{滷水豬大腸}?$12上檯時其實已經聞到濃郁的腸味，看上去肥美的豬大腸做得很乾淨吃下亦沒有壓味只有腸香，而且滷得很有質感，邪惡的朋友你們懂的。

這碗是車爸爸的選擇幼麵$10，豬紅$8，鳳爪$10，五香牛肚$12。

怕辣的他當然選清湯，不油膩是最佳的賣點，而且喝下同樣有鮮味。 

{五香牛肚}炆得夠淋身，但係又唔會散掉，吃下味道像濃香，質素也十分不俗?。

 {鳳爪}車爸爸好喜歡吃鳳爪，這兒的出品亦都做得不錯，好怕食到那些鳳爪全部甩頭甩骨的，這兒就沒這樣的問題得來又夠淋又入味。

本來吃到飽飽行返娘家，點知經過這間{泰興餅店}就給它散發的茶香吸引了?！

原來餅店附設有茶水檔怪不得那麼香，專做外賣的好有生意頭腦喔！而且價錢十分抵飲奶茶只係$10一杯，就算凍檸茶都講緊係$11，平到咁樣唔係唔幫襯嘛！

見到餅店的溫馨提示通知街坊，佢哋係用韓國砂糖，頂級金像麵粉，日本小麥粉夠餐飲係用黑白奶，即係話比大家知用了料上乘，希望街坊支持做到薄利多銷，我真係覺得佢哋幾有心喎！細問之下原來佢哋仲有兩間分店分別在葵盛及元朗呢！

看見他新鮮出爐的豬柳漢堡好鬼吸引，脹卜卜嘅麵包加上新鮮嘅青瓜蕃茄夾雜一件豬柳漢堡我覺得應該好食過M記嘅出品囉！

這一個係栗子包?面頭嘅係朱古力脆皮呢個係我目標之一呢！

而這個蒜蓉包都好吸引，見到有好多蒜蓉在包面，喜歡吃臭嘢的我又心心眼呢?。

不過最後我哋只係買咗奶茶同凍檸茶先，因為諗住三點三下午茶新鮮出爐先落去買麵包呀嘛。

車爸爸的熱奶茶 一開蓋茶香十分之吸引，喝下去雖不算十分滑溜，但我覺得這份茶香已令人收貨有飲了，而杯凍檸茶我極度推介呀，除了幽香茶味外，還有多片檸檬十分之慷慨，用$11就飲到這質素的凍檸茶簡直係超值。

到三點三下午茶梗係老點車爸爸落去買包包啦！邪惡嘅佢買咗雞尾包同菠蘿油給自己享用，雞尾包大大隻只賣$3，內餡十足包身鬆軟好好味勁抵食喔！而菠蘿油$5.5亦香脆可口，夾著一件小牛油邪惡得來真的很吸引?。

而這個豬柳漢堡$7就給車公公婆婆分享，見佢哋食得幾開心應該味道都唔錯呢。

而我呢就主力盯著這件全袋包中最貴的栗子包$7.5，面頭的朱古力脆脆真的十分有朱古力香味，而且很鬆趣有點像菠蘿包面頭的脆脆質感，內裏的栗子蓉餡不少，味道不算很香但加入了栗子粒在內口感十分出色即時加分。