一年一度的青衣戲棚又出現了！每年都好想去，但每年都錯過左，今年終於去到了~相約了田會長放工後一起去呢。
晚上的青衣戲棚，果然仍是人山人海，有不少特色的小食檔，感覺有點像台灣夜市。
戲棚位置，可購票入座睇大戲。
懷舊小食，有糖葱餅、冰糖葫蘆、糯米糍及零食等。
腰果王。
主攻熟食，太多美食選擇，我們在場內兜左一圈才決定到食咩，被蜜糖雞翼糯飯吸引了。
蜜糖雞翼糯飯，，$40，之前係台灣食過類似的雞翼包飯，之後便愛上左了，而加見到有類似，必食！雞翼尚算惹味，糯米飯不夠香，味道正常水準，不過幾有特色，值得一試。
邪惡芝士大啡菇，有三款口味，3款的形容詞都另人好糾結。
芝士流心蛋焗啡菇，，$40，看圖好吸引呢，實物就爭點，但都想一試既，啡菇比想像中細，勝在味道夠香夠腍，芝士份量太少，有乜芝士味，流心蛋尚算多蛋汁，整體味道普通。
流水麵，呢個好特別，又有得食又有得玩，噱頭贏晒，本身都有點想試，不過太飽了冇試到，見人地玩，似乎都幾好玩，果然呃like之選。
歐日鵝肝大餐，竟然會係小食檔出現鵝肝多士，食物同價錢都咁吸引，必試之選！呢個都幾多人排隊呢。
歐日鵝肝大餐，$50，有黑松露鵝肝多士、凡立貝及甘薯，感覺豪華，賣相也不俗，鵝肝不夠油潤，微微的甘香，正常水準，凡立貝味道普通，甘薯微甜，以價錢來計都算係幾滿足。
撈得起，聽個名，似已撈雞翼尖等食物為賣點，但大家的焦點已落在蜜瓜冰到了，實在太吸引。
即場制作，原個蜜瓜起肉+大量冰+少奶。
原個蜜瓜冰，$40，賣相好可愛呀，好有西瓜冰的影子，味道上，實在太淡了⋯好淡好淡的蜜瓜味，接近冇乜味，要飲到底先有少少蜜瓜味，係幾得意的，不過味道太淡試下就算了。
眾多炸物中，揀了榴槤。
貓山王心太軟榴槤炸彈，$10，雖然好飽，但見到榴槤，一於買一個試下，小小的一個在紙碗裡感覺好空虛，不過唔好睇小，熱騰騰的炸球，入面是榴槤流心，少少肉，有好香的榴槤味，味道不俗呀。
發光杯飲品，之前係葵涌廣場見過下，夜市之下更加突出。
Mochi香港糯米糍，好眼熟，記得市面有分店。
益力多椰果糯米糍，$15，好特別的款式，即場試了，糯米皮不太甜，口感軟糯，內有少少椰果肉，食落冇乜益力多味，只有淡淡的椰果味，味道普通呀。
買了兩個糯米糍回家share食。
荔枝糯米糍，糯米皮不太甜，口感軟糯，入面有原粒荔枝，味道一般。
藍莓乳酪糯米糍，入面是藍莓乳酪蓉，淡淡的藍莓味，味道普通呀。
幾好玩的青衣戲棚，傳統的文化，又有氣氛，又多特色小食，中日韓台小食都有，懷舊小食也有，大人細路都岩玩呀。
青衣戲棚2017
日期：4月8日
時間:3:00pm-12:00mn
日期：4月9-12日
時間:2:30pm-12:00mn
地址：青衣青綠街球場
